शुक्रबार दिउँसो १ः१० बजेतिर इटहरीको मुख्य चौकमा साईकलयात्रीलाई ट्रकले ठक्कर दिँदा घटनास्थलमै मृत्यु भएको छ।
इटहरी चोक पुर्व दक्षिण साईटमा साइकलयात्रीलाई प्रदेश १–०२–००१ ख ९२९४ नम्बरको ट्रकले ठक्कर दिएको र मृतक व्यक्ती अन्दाजी ४० बर्षका पुरुष भएको इटहरी प्रहरीले जनाएको छ ।
प्रत्यक्षदर्शीका अनुसार पूर्वबाट जाँदै गरेको साइकललाई सोही दिशाबाट जाँदै गरेको ट्रकले पछाडिबाट ठक्कर दिएको थियो ।
प्रहरीले घटनास्थलको सीसीटीभी फुटेज मगाएर हेर्ने र त्यसपछि घटनाको वास्तविकता पत्ता लगाउने तयारी गरेको छ ।
