
धरान-१२ स्थित पुरानो मल्ल रेडियो अगाडि रहेको मेसिनरी पसलमा भएको घरमा आगलागी भएको छ । शनिवार साँझ ७ बजेर १० मिनेटमा आगलागी भएको स्थानीयले जानकारी दिएका छन् ।
स्थानीय प्रत्यक्षदर्शीले दिएको जानकारी अनुसार घरमा सञ्चालनमा ल्याएको एसी, फ्रिज लगायतका सामग्री बनाउने पसलमा लागेको आगोले घर पूर्ण रूपमा क्षति भएको भएको छ ।
इलाका प्रहरी कार्यालय धरानका डिएसपी मान बहादुर राईले घरमा भएको आगलागी इलेकट्रोनिक्स माध्यमबाट भएको बताए । उनले आगलागीबाट घर पूर्ण रूपमा क्षतिग्रस्त भएको घरमा भएको क्षति भएको विषयमा अनुसन्धान भइरहेको बताए ।
धरान उपमहानगरपालिकाका २ वटा वारुण यन्त्र, प्रहरी, सशस्त्र प्रहरी र स्थानीयवासीको पहलमा आगो नियन्त्रण लिइएको छ।
आगलागी भएको घर सुरेश हलवाईको हो । घरको भुइतलामा इलेक्ट्रोनिक्स सामानहरु मर्मत गर्ने व्यवसाय मणिकुमार परियारले सञ्चालन गरेका थिए । प्रत्यक्षदर्शीहरुका अनुसार करिब सवा ७ बजेतिर उक्त पसलबाट धुँवा निस्केको देखेपछि आगलागीबारे थाह भएको थियो । सोही पसलबाट विजुली सर्ट भएर आगो लागेको हुनसक्ने अनुमान गरिए पनि कारण तत्काल खुलेको छैन