धरान खेलकुद मञ्चले शुक्रबार एक कार्यक्रम आयोजना गरी उत्कृष्ट खेलाडी र उत्कृष्ट प्रशिक्षक करातेको कोच किरण लामालाई उत्कृष्ट प्रशिक्षक एवार्ड २०८० बाट सम्मान गरिएको हो ।
मञ्चद्वारा आयोजित समारोहमा धरान स्पोर्टस् लाइफ टाइम एचिभमेन्ट अवार्डबाट २ जना र खेलकुद विधामा योगदान पुर्याएका ४ जनालाई सम्मान प्रदान गरेको हो ।
उहाँहरुलाई जनही नगद रकम २५ हजार र अवार्ड प्रदान गरिएको हो । यसैगरी, मोष्ट पपुलर राइजिङ प्लेयरको अवार्ड फुटबल खेलाडी सुमन सेतेङ्बा लिम्बुलाई प्रदान गरेको छ । उहाँलाई नगद रकम ११ हजार र अवार्ड गरिएको छ ।
यसैगरी लाइफ टाइम एचिभमेन्ट अवार्डबाट राजुमान श्रेष्ठ र गीता थापा मगरलाई सम्मानित गरिएको छ ।
उक्त कार्यक्रममा प्रमुख अतिथिको निमन्त्रणा दिएको धरान उपमहानगरपालिकाका मेयर हर्क साम्पाङ अनुपस्थित भएकोले प्याराग्लाइडिङ सङ्घका अध्यक्ष भूपाल चाम्लिङ राई बाट प्रदान गरिएको थियो ।
धरान किचनमा भएको कार्यक्रममा खेलकुद मञ्च अध्यक्ष किशोर राईले धरानको खेलकुद इतिहासमा पहिलो पटक खेलाडीलाई सम्मान गर्ने परम्पराको सुरुआतको गरेको बताए । उनले मञ्चले अवार्ड कार्यक्रमलाई निरन्तरता प्रदान गरिने बताए ।
उपमहानगरपालिकाले गर्ने काम मञ्चले गर्दा समेत मेयर हर्क साम्पाङ अनुपस्थित हुनु खेल क्षेत्र र खेलाडीहरूलाई अपमान भएको उनको भनाई थियो ।
धरान १ का वडाध्यक्ष यज्ञमणि आर्चाय, वडा ५ का अध्यक्ष मोहनप्रसाद लिम्बु, वडा ३ का अध्यक्ष विधा शाक्य, वडा १४ अध्यक्ष कृष्णप्रसाद भट्टराई, वडा १६ का अध्यक्ष मुरारी भट्टराई, राजनीतिक दलका स्थानीय नेताहरू खेलाडीहरूको ठुलो उपस्थिति थियो ।
