धरानः नेपाली कांग्रेस, धरानको ३ नम्बर वडा कार्यसमितिमा भएको रिक्त पदको पदपूर्ति सर्वसम्मत रुपमा भएको छ । रिक्त रहेको उपसभापति, सचिव र सहसचिव पदमा सर्वसम्मत पदपूर्ति भएको हो ।
नेपाली कांग्रेसको विधान, २०१७ मा जुन प्रकृयावाट चयन भएको हो सोही प्रकृयावाट पदपूर्ति गर्नुपर्ने प्रावधान भए अनुसार निर्वाचन प्रकृयावाट पदपूर्ति गर्दा तीनवटै पदमा एक एक जनाको मात्र उम्मेदवारी परेकाले सर्वसम्मत निर्वाचित भई पदपूर्ति भएको मतदान अधिकृत भरत शाक्यले जनाएका छन् ।
सर्वसम्मत निर्वाचित भएका उपसभापति मोति श्रेष्ठ, सचिव विरोज ताम्राकार र सह-सचिव इन्दिरा खड्गीलाई क्षेत्रीय सभापति सुजेन्द्र तामाङ, प्रदेशसभा १(१) सभापति अनिल श्रेष्ठ, नगर सभापति श्याम पोखरेल, वडा सभापति उमेश श्रेष्ठ, वडा अध्यक्ष विद्या शाक्य लगायतले खदा तथा अविर लगाई बधाई तथा शुभकामना दिएका थिए ।
