धरान: बडादशैको अवसरमा असोज १९ देखि २१ गते सम्म सुन्दरहरैचा नगरपालिका वाड नम्बर ६ मा जिल्ला स्तरीय प्रथम हेदाङ्ने कप बलिबल प्रतियोगिता हुने भएको छ।
हेदाङ्ने टोल विकास संस्था र सुन्दरहरैचा बलिबल क्लबको संयुक्त आयोजनामा उक्त प्रतियोगिता हुन लागेको हो। प्रतियोगितामा सहभागी टिममा जिल्ला स्तरीय २ जना मात्र खेलाडी समाबेश गरेर टिम दर्ता गर्नु पर्ने आयोजकले जानकारी दिएका छन।
उक्त प्रतियोगितामा संखुवासभा, सुनसरीका इटहरी, धरान मोरङका केराबारी,लेटाङ, बेलबारी, बिराटनगर र सुन्दरहरैचा सहित १५ टिम सहभागी रहने छ। बिजेता र उपबिजेताले प्रथम पुरस्कार ३० हजार, दोस्रो पुरस्कार २० हजार र तेस्रो पुरस्कार १० हजार सहित ट्रफी प्राप्त गर्ने छन।
खेल सकिए पछि प्रत्येक साँझ संखुवासभा आईडल सिजन ३ का जज धिरजको प्रस्तुती र सांगितीक कार्यक्रम पनि हुने आयोजक सचिव भोगेन्द्र याम्फुले जानकारी दिएका छ्न।
