वराहक्षेत्र नगरपालिकाले शनिवार धान प्रवर्द्बनकालागि धान दिवश मनाएको छ । नगरपालिकाले वडा नं ८ जितपुरमा रोपाईको कार्यक्रम आयोजना गरेर धान उत्पादन प्रवर्द्बनकालागि राष्ट्रिय धान दिवश मनाएको हो ।
शनिवार असार १५ अर्थात २१ औ राष्ट्रिय धान दिवसको अवसरमा नगरपालिकले धान दिवस मनाएको कृषि बिकाश शाखाका प्राबिधिक निरकुमार राईले बताए ।
उक्त कार्यक्रममा स्थानिय कृषकहरुसंग नगर प्रमुख रमेश कार्की, उप-प्रमुख नन्दकुमारी सुनुबार, प्रमुख प्रशासकीय अधिकृत गणेश बहादुर कटुवाल ,वडाध्यक्षहरु, कार्यापालिका सदस्य ,वडा सदस्य तथा कर्मचारीहरु नौमति बाजा सहित नाच गान गर्दै धान रोप्न , बाउसे गर्ने सहभागी भएका थिए ।
असार १५ लाई ‘मानो रोपेर मुरी उब्जाउने’ महिनाको रुपमा समेत लिने गरिएको छ । खेतमा धान रोपाईं संगै आपसमा हिलो छ्यापाछ्याप गरेर मनोरञ्जन गर्ने तथा दही चिउरा खाने गरिन्छ । कामको चटारोले थकित भएका किसानलाई दही र चिउराले शक्ति र शीतलता प्राप्त हुने विश्वास छ । खेतीपाती बाहेक अन्य पेसा र व्यवसाय रहेकाहरुले पनि आज दही चिउरा खाई असार १५ मनाउँछन् । यस वर्षको २१ औँ धान दिवस ‘जलवायुमैत्री कृषि, धान उत्पादनमा वृद्धि ‘ भन्ने नाराका साथ दिएको छ ।
सोही अबसरमा वराहक्षेत्र नगरपालिकाले पनि असार – १५ अर्थात धान दिवशलाई उत्सबको रुपमा लिएर मनाएको प्रमुख प्रशासकीय अधिकृत गणेश बहादुर कटुवालले बताए ।
नगरपालिकाले पनि धान उत्पादनलाई बुद्बि गर्न चैते धान खेतिलाई प्रबद्बन गर्ने कार्यक्रम ल्याएको छ । धान उत्पादन बढाएर निर्यात बढाउन नगरपालिकाले धान उत्पादन प्रवर्द्बनकालागि सहयोगकालागि धान दिवश कार्यक्रम आयोजना गरेको उनले बताए ।
नगरपालिकाले कृषकलाई उन्नत जातको बिऊ, समयमै रासायनिक मल , सिचाईका योजनालाई प्रथामिकतामा राखेको छ ।कृषकलाई माटोको प्रकार , गुणस्तर, हावापानी अनुकुल खेती गर्ने मल , बीउ र प्राबिधिक सेवा उपलब्ध गराउन नगरपालिका लागि रहेको नगर प्रमुख रमेश कार्की बताउछन् ।
उनी भन्छन् कृषिलाई प्रथामिकतामा राखेर नीति तथा कार्यक्रम तयार गरेका छौ । सोही अनुसार बजेट बिनियोजन गरेर किसानलाई अधिकत्म लाभ हुने कार्यमा हामी लागेका छौ । बजेटको बिषयमा अगुवा किसान , कृषि सहकारी , पशु पालन किसान , कृषि समुहसंग समेत छलफल र राय सल्लाह लिएर अगाडि बढेका छौ । धान उत्पादन बढाउन नगरपालिकाले योजना बनाएर उन्नत जातको धान अनुदानमा बितरण , उपकरण, रासायनिक मल बितरणसंगै चैते धान प्रवर्धन कार्यक्रम , खेती योग्य जमिनमा सिचाइ, उपकरण र बीउ बिजन कृषकलाई अनुदानमा बितरण गर्दै आइरहेको छौ ।
कृषक मैत्रि प्रबिधिको प्रयोग गर्दै धान उत्पादनमा बुद्बि गर्न हाम्रो योजना रहेको छ । धान उत्पादनलाई बृद्वि गर्न चैते धान खेतिलाई प्रबद्बन गर्ने कार्यक्रम ल्याएका छौ। धान उत्पादनमा आत्म निर्भर बन्न नगरपालिकाले कृषकलाई उन्नत जातको बिऊ, समयमै रासायनिक मल , सिचाईका योजनालाई प्रथामिकतामा राखेका नगर प्रमुख कार्कीले बताए ।
नगरपालिकाको कृषि बिकाश शाखाका अनुसार वराहक्षेत्र नगरपालिकामा ८ हजार हेक्टर जमिनमा किसानले धान खेति गर्ने गरेका छन् । बार्षिक रुपमा ४८ हजार मेट्रिक टन धान उत्पादन हुने गरेको छ । नगरमा किसानहरुले बार्षिक रुपमा ४८ हजार मेट्रिक टन धान उत्पादन गर्दा करिब ३२ देखि ३३ हजार मेट्रिक टन धान खाद्म सुरक्षा गर्ने र करिव १५ हजार मेट्रिक टन धान नगरपालिकाबाट बाहिर निर्यात हुने गरेको छ
धान उत्पादन बढाउन नगरपालिकाले योजना बनाएर उन्नत जातको धान अनुदानमा बितरण , रासायनिक मल बितरणसंगै चैते धान प्रवर्धन कार्यक्रम , खेती योग्य जमिनमा सिचाइ, उपकरण र बीउ बिजन कृषकलाई अनुदानमा बितरण गर्दै आइरहेको छ ।
