🖋लक्ष्मण थापा
पुस ७ गतेदेखि धरान- १६ स्थित ईन्डोर वास्केट बल कोर्टमा डायनामिक युथ क्लबको आयोजनामा शुरु भएको खेल आज शनिबार भएको फाइनल खेलमा ब्रदर्श क्लबलाई ७५-७१ अंकको झिनो अन्तरले पराजित गर्दै इमोर्टल च्याम्पियन बनेको हो ।
प्रतिस्पर्धात्मक फाइनल खेलको पहिलो क्वाटरमा इमोर्टलले १९-११ अंकको अग्रता लिएको थियो । दोस्रो क्वाटरमा भने ब्रदर्शले समाउदै २५-१४ को अग्रता बनाएर मध्यान्तर सम्म ३६-३३ ले अग्रता रहेकोमा तेस्रो क्वाटरमा भने इमोर्टलले ब्रदर्श बिरुद्द २४-१६ को अग्रता लिएर इमोर्टल पुनः खेलमा फर्कियो । ईमोर्टल कल्बले उपाधीसँगै नगद ६० हजार, ट्रफि, मेडल र प्रमाणपत्र प्राप्त गरेका छन । त्यसैगरी उक्त खेल प्रतियोगिताको उपविजेता ब्रदर्श क्लबले नगद ३० हजार ,ट्रफि ,मेडल र प्रमाणपत्र प्राप्त गर्का छन।
उक्त प्रतियोगिताको उत्कृष्ट खेलाडी ईमोटर्लका निकेश मगर घोषित भएकोमा उनले नगद ७ हजार, ट्रफि, बल, प्रमाणपत्र र १ हजार बराबरको फुड भौचर प्राप्त गरेका छन। त्यसैगरि उक्त फाईनल खेलका म्यान अफद म्याच ब्रदर्शका सर्वोधन राई घोषित भएका थिए उनले पनि ३ हजार नगद, ट्रफि, मेडल र प्रमाणपत्र प्राप्त गरे । खेलअवधिका उदयीमान खेलाडीको उपाधी ईमोर्टलका प्रतीक राई घोषीत भएका छन । उनले ट्रफि ,प्रमाणपत्र र १ थान वास्केटबल प्रात गरेका छन ।
उपाधी प्राप्त खेलाडीहरुलाई खेल आयोजक अध्यक्ष सन्तोष वास्फोर र प्रमुख अतिथि एवं धरान उपमहानगरपालिकाका उपमेयर अईन्द्र विक्रम वेघा, सुनसरी वास्केटबल संघका अध्यक्ष नारायण प्रसाद सुवेदी , वास्केटबल प्रशिक्षक विकास चाम्लिङ राई समेतले पुरस्कार वितरण गरेका थिए । वास्केटबल खेल स्वर्गीय फुटबल खेलाडी अशोक वास्फोरको स्मृतिमा उनका छोरा एवं राष्ट्रिय वास्केटबल खेलाडी रवि वास्फोरका परिवारको सहयोगमा सँचालन भएको थियो ।
