धरान: नेपाली कांग्रेस धरान–५ देउरालीको आयोजनामा आइतबार देउरालीमा सम्पन्न रक्तदान कार्यक्रममा ४८ पिन्ट रगत संकलन भएको छ। रक्तदान कार्यक्रमको संयोजन नेपाल तरुण दल धरान–५ ले गरेको थियो।
कार्यक्रम नेपाली कांग्रेस वडा ५ का सभापति कुमार देवानको सभापतित्वमा सम्पन्न भएको थियो। कार्यक्रममा नेपाली कांग्रेसका महामन्त्री उमेश थापा, क्षेत्रीय सभापति सजेन्द्र गोले, अनिल श्रेष्ठलगायत नेता तथा कार्यकर्ताको उपस्थिति रहेको थियो।
रक्तदानले बिरामीहरूको जीवन बचाउन महत्वपूर्ण योगदान पुग्ने भएकाले यस्ता सामाजिक कार्यक्रमलाई आगामी दिनमा पनि निरन्तरता दिइने पार्टी वडा सचिव रमेश मगरले जनाए ।
