धरान: सनातन हिन्दु धर्मालम्बीभित्र रहेको विकृति तथा विसंगति अझै पनि रहिरहेको छ । धर्मको नाममा रकम असुल्ने तरिकामा पनि धेरै तरिकाहरु प्रयोग गरेको पाईन्छ । केही समय अगाडी पाँच वटा खुट्टा भएको गाइलाई साक्षत लक्ष्मी भन्दै धरान बजारमा घुमाउदै रकम संकलन गरेको दृश्यदेखि लिएर ऊँटलाई डुलाएर पसल घरमा डुलाउदै रकम उठाउने प्रचलन बढेर गएको छ ।
विहीबार विहान धरान – ९ मा तीन जना जोगीले सडकमा भारी बोकाएको ऊँटलाई डोर्याएर पसल घरमा रकम उठाउदै गरेको दृश्य देखियो । मरुभूमिमा मात्र पाइने ऊँट जनकपुर धामबाट ल्यायएको तीनजनाध्ये एक जनाले बजारमा ऊँटलाई तानेर डुलाउने अन्य दुई जना घर पसलमा रकम संकलन गर्ने गर्थे । भगवानको नाममा रकम संकलन गरेको बताउने उनीहरले ऊँटलाई मेची महाकालीसम्म डुलाउने योजना रहेको बताएका थिए ।
पूर्वका धेरै सहरहरुमा घुमाइसकेपछि धरान ल्याइएको उनीहरुले बताए । अग्लो लामो घाटी भएको ऊँटलाई उनीहरुले ओढ्ने, ओछ्याउने, खाने सबै बन्दोबस्त गरी बोकाएका थिए । यसरी बजार घुमाउँदा ऊँट थाकेको जस्तो देखिन्थ्यो । आश्चर्य त के थियो भने ऊँट थाकेर हिड्न नसक्दा एक छिन बस्न दिनुको साटो उनीहरुले ऊँटलाई लठ्ठीले कुट्दै जबरजस्ती हिडाउन खोज्दा ऊँट सिटी सफारीसँग झण्डै दुर्घटना भएको थियो । त्यही ऊँटबाट रकम संकलन गर्ने त्यही ऊँटलाई वेस्सरी लठीले बजाउने प्रवृत्तिले उनीहरुको धर्मभन्दा पनि जसरी पनि रकम उठाउने उद्देश्य देखिन्थ्यो । एउटा जनावरलाई थाकेको समयमा पनि जबरजस्ती लट्ठीले हिर्काएर हिडाउनु यो सनातन हिन्दु धर्मभित्र पर्छ कि पर्दैन भन्ने कुरा सम्बन्धीत पक्षको ध्यान जानू जरुरी छ ।
