धरान: सहिद स्मृति माध्यामिक विद्यालय धरान–८का विद्यार्थीहरुलाई आइतवार निःशुल्क स्वेटर वितरण गरीएको छ ।
धरान राउण्ड टेबलले स्कुलका विद्यार्थीहरुलाई निःशुल्क स्विटर वितरण गरीएको हो । राउण्ड टेवलले कक्षा नर्सरी देखि कक्षा ५ सम्मका गरीव तथा विपन्न परिवारका १ सय २५ जना विद्यार्थीहरुलाई निःशुल्क स्वेटर वितरण गरीएको राउण्ड टेवल धरानका अध्यक्ष निमेश अग्रवालले जानकारी दिए ।
अग्रवालले विद्यार्थीहरुको जाडोको समस्यालाई मध्यनजर गरी संस्थाले स्वेटर वितरण गरेको अग्रवालको भनाई रहेको थियो ।
राउण्ड टेवल धरानले विभिन्न सामुदायिक विद्यालयमा सहयोग गर्दै आएको छ । आगामी दिनमा पनि आवश्यकता र ठाँउ हेरेर सहयोग गर्दै जाने अग्रवालले बताए ।
विद्यालयका प्रधानाध्यापक रामबहादुर विष्टले विद्यालयलाई सहयोग गरेकोमा खुशी व्यक्त गर्दै धन्यवाद ज्ञापन गरेका थिए ।
सो कार्यक्रम विद्यालय व्यवस्थापन समिति सदस्य भोला श्रेष्ठको अध्यक्षतामा भएको थियो । उक्त कार्यक्रमको संचालन विद्यालयका शिक्षक राजन वनले गरेका थिए ।
