विश्वकर्मा कल्याण सेवा समिति प्रधान कार्यालय धरान सुनसरीको अध्यक्षमा घमासिंह बराइली निर्वाचित भएका छन् ।
सोमबार धरान १० स्थित सैनिक भवनमा सम्पन्न समाजको १२ औँ अधिवेशनमा समाजका निवर्तमान सचिव सन्दीप शंकरलाई पराजित गर्दै निर्वाचित भएका छन् । निर्वाचन मण्डलका अधिकृत डिबी शंकरका अनुसार बराइलीले ६५ मत प्राप्त गरेका थिए भने शंकरले ५५ मत प्राप्त गरेक थिए।
कार्यसमितिका अन्य पदाधिकारी सहमतिमा चयन भएका छन् । समितिको उपाध्यक्षमा मिरा वराईली, महासचिवमा वलिन्द्र वराईली, कोषाध्यक्षमा ललन जनकर्मी र सचिवमा कला शाशकर चयन भएका छन् । यस्तै, सदस्यहरुमा ज्ञानबहादुर लामिछाने, तेजेन्द्र लामिछाने, खड्ग धमला, रविन ल्वागुन, अन्जेश शंकर र आश वहादुर शंकर चयन भएका छन् ।
