धरान : निर्देशक मिलन चाम्सद्वारा निर्देशित चलचित्र ‘बर एण्ड बधु’ धरान सहित देशभर भदौ १४ गते देखी प्रदर्शन हुने भएको छ ।
बिहीबार धरानमा आयोजित पत्रकार सम्मेलनमा निर्देशक चाम्सले ‘बर एण्ड बधु’ युवा पुस्ताको प्रेम कहानीमा आधारित रोमान्टिक लभ स्टोरीरहेको जानकारी गराए।
वर एण्ड वधु चलचित्र एलआरके प्रोडक्शनको ब्यानरमा निर्माण भएको हो। सो चलचित्र निर्मात्री जनुका थापाले ४ करोड भन्दा माथीको लगानीमा निर्माण गरेको बताएकी छिन।
उक्त चलचित्रका दृश्यहरू रोमनियामा छायाङ्कन भएको हो। चलचित्रमा आँचल शर्मा र नव नायक विवेक कर्माचार्य मुख्य भूमिकामा छन् ।
चलचित्रमा गरिमा शर्मा, विजु पार्की, हिमेश पन्त, सृष्टि खड्का, विजय लामा, किरण केसी, कुसुम शर्मा, सरिता लामिछाने, रवीन्द्र खड्का लगायत कलाकारहरूको अभिनय गरेका छन् ।
भिडियो पनि हेर्नुस:
