हिसान शिक्षा पत्रकारिता पुरस्कारबाट सुनसरीका तीन जना पत्रकार सम्मानीत भएका छन।
हिसान स्पोर्टस मिट २०८० को समापनको अवसर पारेर हिसान सुनसरीले पत्रकारिताको माध्यमबाट शैक्षिक जागरण तथा सचेतना विकास गर्न योगदान पुर्याएको भन्दै पत्रकार अर्जुन सुवेदी, भोजराज श्रेष्ठ र जयकृष्ण यादवलाई जनही नगद १० हजार पुरस्कार सहित सम्मान तथा पुरस्कृत गरेको हो । इटहरी स्थित कस्तुरी कलेजमा कार्यक्रम सम्पन्न भएको थियो।
उच्च शिक्षालय तथा माध्यमिक विद्यालय संघ नेपाल (हिसान) सुनसरीबाट पुरस्कृत अर्जुनसुबेदी कान्तिपुर टेलिभिजनका सुनसरी संवाददाता हुन भने भोजराज श्रेष्ठ ब्लष्टटाईम्स दैनिकका कार्यकारी सम्पादक हुन । जयकृष्ण यादव गोरखापत्र दैनिकका इनरुवा संवाददाताको रुपमा कार्यरत छन ।
उनीहरुलाई हिसानका केन्द्रिय उपाध्यक्ष युवराज शर्मा, केन्द्रिय सदस्य बलराम पन्त, मुकुन्द घिमिरे, गंगाप्रसाद चौलागाई, सल्लाहकार लेखनाथ घिमिरे लगायतले दोसल्ला र सम्मानपत्र सहित नगद पुरस्कारले पुरस्कृत गरे । हिसान सुनसरीले प्रत्येक बर्ष बिशेषगरी शिक्षा क्षेत्रमा कलम चलाउने पत्रकारहरूलाई सम्मान तथा पुरस्कृत गर्दै आईरहेको छ।
