धरान: धरान उपमहानगरपालिकाका नगरप्रमुख हर्क साम्पाङले पदबाट राजीनामा दिएका छन्।
आइतबार नगरप्रमुख साम्पाङले उपप्रमुख अईन्द्र विक्रम बेघालाई औपचारिक रूपमा राजीनामा पत्र बुझाएका हुन्।
राजीनामा बुझाउँदै नगरप्रमुख साम्पाङले आफू आगामी फागुन २१ गते हुने प्रतिनिधिसभा निर्वाचनमा सुनसरी क्षेत्र नम्बर १ बाट उम्मेदवार बन्ने तयारीमा रहेकाले पदबाट राजीनामा दिएको जानकारी दिए।
उनले स्थानीय तहको नेतृत्व सम्हाल्दा धराने जनताको अपार माया र विश्वास, साथ पाएको भन्दै धन्यवाद व्यक्त गर्दै आगामी राजनीतिक यात्राका लागि जनसमर्थनको अपेक्षा रहेको बताए ।
नगरप्रमुख साम्पाङ श्रम संस्कृति पार्टीबाट प्रतिनिधिसभा निर्वाचनमा उम्मेदवारी दिने भएका छन्।
उक्त पार्टीको चुनाव चिन्ह ‘अञ्जुलीभित्रको माटो’ रहेको छ।
साम्पाङले २०७९ जेठ १० गते कार्यभार सुम्फिएका थिए । नगरप्रमुख साम्पाङले ३ बर्ष ८ महिना २४ दिन कार्य भार सम्हालेका थिए ।
