धरान: धरान नगर अन्तर वडा महिला नकआउट फुटबल प्रतियोगिताको शनिबार भएको खेलमा धरान ११ ले धरान १९ लाई ४–० गोलले पराजित गदै क्वाटर फाइनलमा प्रवेश गरेको छ ।
धरान रङ्गशालामा जारी खेलमा निर्धारित ६० मिनेटमा पहिलो हाफको ५ मिनेट र दोस्रो हाफको ५ मिनेटमा धरान ११ की खेलाडी प्रश्ना राईले २ गोल र पहिलो हाफकै २७ मिनेट र दोस्रो हाफको ११ मिनेटमा शिक्सा याक्खाले २ गोल गरेका छन । खेल अवधिभर धरान १९ बाट कुनै गोल भएन ।
खेलको ‘फेयरप्ले अफ द म्याच धरान ११ की शिक्सा याक्खा घोषित भइन् । शिक्साले नगद २ हजार सहित मेडल र प्रमाणपत्र प्राप्त गरीन ।
मङ्सिर २७ गते सम्म सञ्चालन हुने प्रतियोगिताको विजेताले नगद ९० हजार र उपविजेताले ४५ हजार रुपैयाँ पाउनेछ ।
व्यक्तिगत विधातर्फ ‘फेयरप्ले अफ द म्याच’ विजेताले २ हजार, उत्कृष्ट मिड फिल्डर र किपरले ३ हजार ५ सय र उत्कृष्ट खेलाडीले ५ हजार रुपैयाँ प्राप्त गर्नेछन् । प्रतियोगिताको आयोजना जनपथ जागरण समाज, धरान १६ ले गरेको हो ।
