धरान: ऊर्जा, जलस्रोत तथा सिंचाइ, भौतिक पूर्वाधार तथा यातायात र सहरी विकास मन्त्री कुलमान घिसिङले धरानको समस्याको बारे जानकार रहेको बताउदै विस्तृत सर्बे गरेर भोलि देखि नै काम गर्न सम्बन्धीत मन्त्रलयका अधिकारीहरुलाई निर्देशन दिएका छन्।
आइतबार धरान १५ ङाग्युर ञिङ्गा ङ्युङने ल्हाखाङ गुम्बामा आयोजित दश करोड बज्रगुरु जप तथा विश्व शान्ति पूजा तथा स्थानीय सरोकारवाला सँगको छलफलमा भने,“धरानमा हाई–टेन्सन लाइनले मानवीय क्षति पुर्याउने खतरा देखिएमा पुनः विचार गर्छौँ। अझ अनुभवी विज्ञ टोली ल्याएर प्रक्रिया पूरा गरी रि–रूट गर्न तयार छौँ।” मन्त्री घिसिङले “धरान उपमहानगरपालिकाले सहयोग गरे विद्युत प्राधिकरण समस्या समाधान गर्न तत्पर छ। भन्दै उनले भने, भोलिबाट नै प्राधिकरणको टोलीलाई सर्वेमा पठाँउछु।”
सुधार नेपालद्वारा हरियाली सामुदायिक वनमा आयोजित अन्तक्रिया कार्यक्रममा सहभागी भएका मन्त्री घिसिङ्लाई धरानका विभिन्न संघ–संस्थाले १४ वटा ज्ञापनपत्र बुझाए।
मन्त्री घिसिङले धरानको समस्या समाधान गर्न आफुसँगै सडक विभाग, सिंचाइ तथा सहरी विकासका अधिकारी समेत आएको बताउदै भने ‘धरानको समस्या समाधानको लागि विस्तृत सर्वे गर्छ”।
कार्यक्रममा बोल्दै मन्त्री घिसिङले जेनजी आन्दोलनपछि बनेको अन्तरिम सरकारको “मूल दायित्व तत्काल समस्या समाधान गर्दै निर्वाचनको वातावरण तयार गर्नु हो।”
मन्त्री घिसिङले भने “जव जव सरकारले कारवाही गरेर मलाई पदबाट हटाउछ । जनताले पुन विश्वास गरे त्यो भन्दा ठूलो जिम्मेवारी दिन्छन। र देशको सही नेतृत्व लिन तयार रहदै आएको छु।”
“देश बत्तीको उज्यालोले मात्र बन्दैन,मन–मस्तिष्कको उज्यालोले बदलिन्छ” मन्त्री घिसिङले शिक्षा र चेतनाको महत्व जोड दिँदै प्रसिद्ध भनाइ दोहोर्याए। “देश परिवर्तन केवल बत्तीको उज्यालोले मात्र सम्भव हुँदैन। वास्तविक उज्यालो शिक्षा, चेतना र सक्षम नागरिकबाट आउँछ। विद्यालयले व्यक्ति परिवर्तन गर्ने मूल्य–आधारित शिक्षा दिनुपर्छ।
मन्त्री घिसिङले भने, आफु प्राधिकरण प्रमुख हुदाँ ऊर्जाको विकासमा तीव्र प्रगति गर्दै ८३ हजार मेगावाट हाइड्रोपावर क्षमता सुरुवात गरेको बताए । उनले आफुले प्राधिकरण प्रमुखको जिम्मेवारी सम्हाल्दा ८ सय मेघावाट मात्र विद्युत उत्पादन हुदै आएको थियो । हाल ४ हजार मेघावट विद्युत उत्पादन हुन्छ । प्रमुख हुदा ५ वटा ट्रान्स मिसन सुरु गरेकामा हाल ३ वटा सुरुवात भएको भन्दै भदौ महिना देखि ४ महिनामा १८ अर्व विद्युत बेचेको बताए । उनले भने ‘बढी भएको विद्युत खेर पाल्ने होईन बेच्ने हो । ’बढी भएको विद्युत बेचेर खपत गरेको मात्र हो । भारतमा विद्युत बचेर राष्ट्रघाती गर्यो भनेर भन्ने आफै राष्ट्रघाती हो।
अहिले १० हजार मेगावाट भारत तथा बंगलादेश निर्यात तयारी हुदैछ । यसको आम्दानीले पर्यटन, प्राकृतिक स्रोत, मानव पूँजी र प्रविधि नेपालको दीर्घकालीन समृद्धिका आधार भएको मन्त्री घिसिङले बताए।
“७५ वर्षको राजनीतिक परिवर्तनले मात्र देश बदलिँदैन, सही नेतृत्व चाहिन्छ” मन्त्री घिसिङले राजनीतिक नेतृत्वबारे कडा टिप्पणी गरे। “सही समयमा सही व्यक्ति प्रधानमन्त्री नभएसम्म देश चल्दैन। ७५ वर्षको अनुभवले देखायो राजनीतिक परिवर्तनले मात्र देश बनाउँदैन।”
घिसिङले“अगामी निर्वाचन ठूलो मौका हो। जनताले सही नेतृत्व छान्न सक्नुपर्छ। ‘न्यू मेनस्ट्रीम फोर्स’ निर्माणको आवश्यकता छ भन्दै उनले भने न्यु स्ट्रीम फोर्स निर्माण गरे मात्र आगामी निर्वाचन पछिको ५ बर्षे सरकारले तपाईहरुको माग भन्दा बढी सम्बोधन गर्छ । जनता केन्द्रीत भएर काम गर्नुपर्दछ जनतालाई डेलिभरी समयमा दिन सके मात्र नेतृत्वले सफलता पाउन सक्छ र सहि समयमा नेतृत्वले जनतालाई चाडो डेलिभरी गर्न सके मात्र देशलाई निकास दिन सक्छौ।
धरानका नगरप्रमुख हर्क साम्पाङलाई लक्षित गर्दे घिसिङले भने ‘नयाँ शक्तिले एक अर्कालाई लाञ्छना लगाउने मात्र गर्नु हुदैन । ’सकरात्मक अभिव्यक्तिले मात्र सहअस्तित्व स्वीकार हुन्छ । ’सकारात्मक अभिव्यक्तिले सरकार कस्तो बनाउने तपाईहरुको हातमा छ । फस्ट्रेसनको कुरा मात्र गरेर मात्र अब सरकारमा पुग्न सकिदैन ।
