धरान: आज राती गोधुलीको २५ औं संस्करणमा उपाधिका लागि धरान वडा नं. १५ र १४ बीच भिडन्त हुदैछ । गोधुलीमा एक/एक पटक उपाधि जितिसकेका यी दुई बीचको फाइनल भिडन्त रोमाञ्चित हुने धराने दर्शकहरुले आंकलन गरेका छन् ।
धरानको फुटबल खेलको जग बसाउने गोधुली रनिङ कपको २५ औ संस्करणमा आएर आयोजक गोधुली फुटबल क्लबले अर्को नयाँ जग बसाउने काम गरेको छ । धरानमै पहिलो पटक रात्रीकालीन प्रतियोगिताको आयोजना गरेर दर्शकको क्रेजलाई ह्वात्तै बढाउने काम गरेको छ ।
यस अघि १४ औं संस्करणमा उपाधि उचालेको धरान वडा नं १५ र २१ औ सस्करणमा उपाधि उचालेको धरान १४ बीचको भिडन्त रोमाञ्चित हुने दर्शकले आकंकलन गरिरहेको बेला फाइनलमा प्रतिष्पर्धा गर्ने यी दुई टिमले आफ्नो जित सुनिश्चित हुने दाबी गरेका छन् ।
दुवै टिम बलियो भएको उपाधि चुम्ने विषयमा सजिलो नभए उपाधि आफ्नो पोल्टामा पार्ने दाउमा उनीहरु रहेका छन् ।
धरान १४ का टिम कोच शिव राईले धरान १४ सँग यस अघि पनि पटक पटक गोल्डकपमा भेट भइसकेको अनुभव सुनाउदै फाइलनमा पनि राम्रो प्रतिष्र्धा हुने र जित आफ्नो टिमको हुने दाबी गरे ।
यस्तै, वडा १५ का मेनेजर जुदास राईले गत बर्ष टिम कारबाहीमा परेर खेल्न नपाएकोले यसपटक आफ्नो टिम फाइनलमै पुर्याउने लक्ष्यका साथ सोही अनुरुप कसरत गरेकै कारण फाइनलसम्म पुग्न सकेको बताए । उनले भने–‘हामीले कसरत गरेसँगै हामीलाई ‘लक’ ले समेत साथ दिएका कारण क्वाटर फाइनल र सेमी फाइनलका खेल प्रतिष्पर्धात्मक भए पनि दुवै खेल ट्राइबेकरको आधारमा जित हात पार्न सफल भएकोले पनि यसपटकको गोधुलीको उपाधि उचाल्न ‘लक’ ले पनि साथ दिने बताए ।
यसैबीच गोधुलीको फाइनल खेलको प्रमुख आकर्ष गातिका तृष्णा गुरुङ रहने आयोजक गोधुली फुटबल कलबका उपाध्यक्ष सतिष केसीले जानकारी दिनुभयो । उहाँका अनुसार समापन समारोहमा प्रमुख अतिथिको रुपमा धरानका मेयर हर्कराज राई आमन्त्रण गरिएको छ ।
