हिसान सुनसरीको ११ औ स्पोर्टस मिट अन्तर्गत मंगलवार देखि हिसान बास्केटवल प्रतियोगिता सुरु भएको छ ।
अग्रज बास्केटवल खेलाडि एवं सुनसरी बास्केटवल संघका अध्यक्ष नारायण सुवेदिको प्रमूख आतिथ्यमा संपन्न उद्धघाटन खेलमा महिला तर्फ धरान उच्च माविले धरान मेघा कलेजलाई १७–१६ अंकको झिनो अन्तरले पराजित गरेको छ ।
अन्यन्तै प्रतिश्पर्धात्मक भएको खेलमा धरान उच्च र धरान मेघाले प्रत्येक क्वाटरमा २–५, ७–४, २–४ र ६–३ अंक जोडेका थिए । प्रमूख अतिथि सुवेदिले रेफ्रिलाई वल हस्तान्तरण गरेपछि खेल सुरु गरिएको थियो ।
सोहि दिन भएको पुरुष तर्फको खेलमा मेघा कलेजले एम्स एकेडेमिलाई ६६–३६ अंकले पराजित गरेको छ । खेलमा मेघा कलेज र एम्स एकेडेमिले प्रत्येक क्वाटरमा १७–१६, ११–१०, २३–२ र १५–६ अंक जोडेका थिए । तेस्रो खेलमा सियोन स्कुलले सुस्मा गोदावरी स्कुल इटहरीलाई वाकओभर दिएपछि सुस्मालाई विजेता घोेषित गरिएको छ ।
चौथो खेलमा विश्व आर्दश इटहरीले पुर्वाञ्चल कलेजलाई २४–१२ अंकले पराजित गरे । विश्व आर्दश र पुर्वाञ्चलले प्रत्येक क्वाटरमा ८–४, ६–१, १०–२ र ०–५ अंक जोडेका थिए । पाँचौ खेलमा विष्णु स्कुलले नास्ट कलेजलाई २२–१९ अंकले पराजित गरे । विष्णु र नास्टले खेलको प्रत्येक क्वाटरमा ५–५, ३–४, ७–० र ६–१० अंक जोडेका थिए । प्रतियोगिता व्यवस्थापन तथा प्राविधिक सहयोग सुनसरी बास्केटवल संघ र धरान वास्केटवल संघले गरेको छ ।
हिसान सुनसरीका अध्यक्ष सागर भट्टराईको सभाध्यक्षमा संपन्न उद्धघाटन कार्यक्रममा नेपाल बास्केटवल संघका केन्द्रिय सदस्य रोशन राई, एम्स एकेडेमिक प्रिन्सिपल सन्तोष कोइराला लगायतको उपस्थिति रहेको थियो । प्रतियोगिामा महिला तर्फ ३ र पुरुष तर्फ १० टिमले सहभागिता जनाएको छ । वुधवारको खेल महिला तर्फ धरान उच्च र नास्ट केलज र पुरुष तर्फ धरान मेघा र धरान आर्दश र शुष्मा कलेज र धरान उच्च विच प्रतिश्पर्धा हुनेछ ।
