धरान: हिविस्कस इङ्लिस वोडिङ स्कुल धरान–१५ को विद्यार्थीको निर्वाचनले बाल क्लवको अध्यक्षमा आस्था उदाशलाई निर्वाचित गरेको छ। शुक्रवार सम्पन्न निर्वाचनले उदाशलाई निर्वाचित गरेको हो ।
त्यसैगरी क्लवको उपाध्यक्षमा प्रज्ञान राईलाई निर्वाचित गरेको छ । सचिव, सहसचिव र कोषाध्यक्षमा क्रमस समिक्षा राई, जेशा जवेगु र विकल्प तामाङ, कार्यक्रम संयोजक सिदार्थ श्रेष्ठ र हाजिरी जवाफ संयोजक आदित्य झा रहेका छन् ।
सदस्यहरुमा यलन राई, युमिना राई, डेभिड लिम्बू , मिशन राई, दर्शन मगर र खम्वोङ्शा सिंघक लिम्वु निर्वाचित भएका छन् । हाउस क्याप्टेन र भाइस क्याप्टेनहरुमा रेड हाउसबाट क्याप्टेन र भाइस क्याप्टेनमा क्रमस युमिना राई र सेसेमा लिम्बू निर्वाचित भएका छन् ।
व्लु हाउसतर्फ डेविड लिम्वु र मित्माहाङ राई तथा ग्रिन हाउसतर्फ खम्वोङ्सा सिंघक लिम्वु र अर्मिता महर्जन निर्वाचित भएका छन् ।
यल्लो हाउसतर्फ दर्शन मगर र आयुष श्रेष्ठ निर्वाचित भएको निर्वाचन अधिकृत नयन राईले जानकारी दिनुभएको छ । कक्षा ५ देखि १० सम्मका २ सय ५० बिद्यार्थीहरु र शिक्षकहरुले मतदानमा भाग लिएका थिए।
बिद्यार्थीहरुलाई निर्वाचन कसरी हुन्छ, कसरी नेतृत्व चयन हुन्छ भन्ने अभ्यास गराउनका लागि लोकतान्त्रिक बिधिद्वारा क्लबका अध्यक्ष, हाउस क्याप्टेन लगायत छान्ने र मतदान प्रकृयाको बारेमा ब्यबहारिक ज्ञान दिने उद्वेश्यले निर्वाचन गराईएको स्कुलका निर्देशक गंगाराम राईले जानकारी दिनुभयो।
निर्वाचन गरेर छानिएका बिद्यार्थीहरुलाई जिम्मेवारी दिदा लोकतन्त्रको अभ्यास हुने र बिद्यार्थीहरुले ब्यबहारिक ज्ञान समेत सिक्ने स्कुलका निर्देशक राईको भनाई रहेको छ ।
पढाईका अतिरीक्त विभिन्न कार्यक्रम संचालन गर्दै आएको हिविस्कस स्कुलले यस पटक हरेक शुक्रवार पुस्तक रहीत कक्षा संचालन गर्न शुरु गरेको छ ।
