धरान: एक्वा सेकेन्डरी इङ्लिस बोर्डिङ स्कुल धरान–१७ ले वार्षिक उत्सवका अवसरमा चारजना शिक्षकहरुलाई सम्मान गरेको छ ।
स्कुलले शनिवार एक कार्यक्रमका वीच शिक्षकहरुलाई सम्मान गरेको हो । सम्मानित हुनेहरुमा जुनाहाङ्ग राई, सौगात राई, ललिता ल्वागुन र सुप्रिया शाह रहेकाछन् ।
सम्मानित शिक्षकहरुलाई कार्यक्रमका प्रमुख अतिथि धरान उपमहनगरपालिकाका उपमेयर अइन्द्र विक्रम वेघाले सम्मान–पत्रले सम्मान गरेका थिए ।
शिक्षकहरुलाई प्रोत्साहन मिलोस भन्ने उदेश्यले सो कार्यक्रमको आयोजना गरीएको स्कुलका निर्देशक अनिश राईले वताउनु भयो । यस्ता कार्यक्रमहरुलाई आगामी दिनमा पनि निरन्तरता दिदै जाने निर्देशक राईले वताउनु भयो ।
सो अवसरमा वार्षिक परिक्षामा उत्कृष्ट नतिजा ल्याउने विद्यार्थीहरुलाई पुरस्कार तथा सम्मान पत्र प्रदान गरीएको थियो ।
सो अवसरमा विद्यार्थीहरुले नृत्य, गायन लगायतका विभिन्न अतिरिक्त कृयाकलापहरु गरेर अतिथि तथा अभिभावकहरुलाई मनोरन्जन प्रदान गरेका थिए ।
कार्यक्रममा बिद्यार्थीहरुले आकर्षक नृत्य, गीत प्रस्तुत गरी अभिभावकहरु र अतिथिहरुलाई मनोरञ्जन प्रदान गरे।
स्कुलका निर्देशक अनिश राईको अध्यक्षतामा भएको कार्यक्रममा स्वागत मन्तव्य सहायक प्रधानाध्यापक हर्क लिम्वुले गरेका थिए ।
विद्यार्थीहरु र अभिभावकको सन्तुष्टी नै हाम्रो चाहाना भन्ने नाराका साथ स्कुलले शैक्षिक गुणस्तर कायम गर्दै आएको निर्देशक राईको भनाई रहेको छ ।
