धरान: २५ औं गोधुली रनिङ कप अन्तर्गत दोस्रो दिनको खेलमा धरान १५ विजयी बनेको छ ।
धरान १६ रंगशालामा जारी प्रतियोगिता अन्तर्गत शनिवार भएको प्रतियोगितामा धरान १५ ले ८ लाई २–० गोल अन्तरले हराउदै आफ्नो यात्रालाई अगाडि बढाएको हो ।
प्रतियोगितामा जित दिलाउन धरान १५ ले खेलको २५ औ मिनेटमा एरिक गुरुङ र ८४ औ मिनेटमा निकेश गुरुङले गोल गरेका थिए ।
प्रतियोगिताको म्यान अफ दि म्याच धरान १५ का एरिक गुरुङ घोषित हुदै नगद १ हजार ५ सय नगद र प्रमाणपत्र हात पारे ।
भोलिको पहिलो खेल धरान ९ र १४ बीच साँझ ५ बजेबाट हुने र दोस्रो खेल १ र ४ का बिच साझ ७ बजेबाट हुने आयोजकले जनाएको छ ।
प्रतियोगिताको बिजेताले रनिङ ट्रफीसहित नगद १ लाख ५० हजार पुरस्कार पाउनेछ भने उपविजेताले नगद ७५ हजार पाउनेछ । यसैगरि, प्रतियोगिताको वेष्ट प्लेयरलाई नगद १५ हजार, हाई स्कोररलाई ७ हजार ५ सय पुरस्कार दिइनेछ भने वेष्ट डिफेन्स, वेष्ट गोलकिपर, वेष्ट कोच, वेष्ट स्ट्राइकर, वेष्ट राइजिङ प्लेयर, वेष्ट मिडफिल्डर र म्यान अफ दि म्याचलाई जनही नगद र प्रमाणपत्र प्रदान गरिनेछ ।
