राई र घिमिरे काँग्रेसको प्रदेश समिति सदस्यमा मनोनित

धरान: धरानका महिला उद्यमी मनिता घिमिरे र फुटबल खेलको प्रवद्र्धनमा निरन्तर जुट्दै आउनु भएका किशोर राई नेपाली काँग्रेस प्रदेश कमिटीको सदस्यमा मनोनित हुनुभएको छ ।
नेपाली काँग्रेस प्रदेश कार्यसमितिको निर्णय अनुसार दुवैजनालाई सदस्य पदमा मनोनयन गरिएको हो ।
लामो समयदेखि नेपाली काँग्रेसमा कार्यरत रही पार्टीको श्रीवृद्धिमा महत्वपूर्ण भूमिका खेल्दै आउनु भएका, पूर्व धरान नगर समितिका सभापति समेत रहनु भएका किशोर राईलाई समेत उहाँले पार्टीप्रति खेलेको भूमिकाको मूल्यांकन गर्दै पार्टीको प्रदेश समितिको सदस्यमा मनोनित गरिएको छ । फुटबल खेलको श्रीवृद्धिमा सधै दत्तचित्त रहनु भएका राईले धरानमा धरान फुटबल क्लबमा आवद्ध रहेर मोफसलकै ठूलो बुढासुब्बा गोल्डकपलाई मलजल गर्ने काम गर्नुभएको छ । अहिले उहाँ प्रदेश खेलुकुद संघको अध्यक्षमा रहनु भएको छ ।
लामो समयदेखि राजनीतिसँगै घरेलु उद्योग सञ्चालन गर्दै महिलालाई तालिममार्फत आत्मनिर्भर बनाउदै आउनु भएकी घिमिरेले पार्टीप्रति देखाएको इमान्दारिता, पार्टीप्रतिको बफादारको कदर गर्दै प्रदेशका कार्यसमितिको सदस्यमा मनोनयन गरिएको नेपाली काँग्रेस प्रदेश समितिका सभापति उद्धव थापाले जानकारी दिनुभयो । घिमिरेले अहिले सम्बृद्धि साबुन उद्योग सञ्चालन गर्दै महिला आफै आत्मनिर्भर बन्न सक्छन् भने उदाहरण पेशमात्र हैन कोशी प्रदे्शमा रहेका स्थानीय तहमार्फत धेरै महिलाहरुलाई साबुन बनाउने तालिम प्रदान गर्दै आउनु भएको छ ।
राजनीति र खेलकुदलाई एकै साथ अगाडि बढाउनु भएका राई र महिला उद्यमी बनेर पार्टीलाई महत्वपूर्ण योगदान गर्नुहुने घिमिरेलाई पार्टीको प्रदेश कार्यसमितिको सदस्यमा मनोनयन गरेकोप्रति पार्टीमा आवद्ध रहे्का व्यक्तित्वमात्र हैन अन्य पार्टी तथा सर्वसाधारणले समेत पार्टीको निर्णयलाई सह्रानीय भएको बताएका छन् ।