धरान: सुमेधा वक्तृत्वकला प्रतियोगिताको शुक्रबार सम्पन्न फाईनलमा धरान-मेघा हिमालयनकी क्याथरिन योन्जन प्रथम भएकी छिन।
क्याथरिनले नगद १५ हजार सहित ट्रफी र प्रमाणपत्र प्राप्त गरिन। -याडिकल लाईट नेपाल प्रा.लि.धरानले धरान-८ स्थित सहिद स्मृति मा.बि.को सभाहलमा सम्पन्न गरेको फाइनलमा शिक्षा सन्देस सेकेन्डरी बोर्डिङकी देवका कार्की दोश्रो हुदै नगद ८ हजार सहित ट्रफी र प्रमाणपत्र प्राप्त गरिन। एम्स एकेडेमीकी अदिति झा तृतीय भई ४ हजार नगद सहित ट्रफी र प्रमाणपत्र प्राप्त गरिन। पब्लिक मा.बि. फुस्रेका बालकुमार राई सान्त्वना भएर २ हजार नगद सहित ट्रफी र प्रमाणपत्र प्राप्त गरे।
प्रतियोगिताको उप-शिर्षकमा समेत पुरस्कार प्रदान गरिएको थियो। शिक्षा निकेतन मा.बि.की पुजा लम्साल र लाक्पा तामाङले क्रमश: डिसिप्लिन र अराटोरिकल स्पिकरको उपाधि प्राप्त गरे। पब्लिक हाई स्कुलका आयुष कटवाल र चन्द्रकला राईले क्रमश:इन्फर्मेटिभ र पङ्चुअल स्पिकरको उपाधी जिते। सियोन स्कुलकी सोनिया नेपालीले सिन्सियर स्पिकरको उपाधि जितिन भने धरान मा.बि.की स्मृति लिम्बुले मोटिभेस्नल स्पिकरको उपाधी हात पारिन। उप-बिजेताहरुले नगद सहित प्रमाणपत्र प्राप्त गरे।
बिजेता र उप-बिजेताहरुलाई कार्यक्रमका प्रमुख अतिथि धरान उपमहानगरपालिकाका उप-प्रमुख अइन्द्र बिक्रम बेघा, मन्टेसोरी किन्डर गार्टेनका संचालक गौरबमान श्रेष्ठ र सहिद स्मृति मा.बि.का प्रधानाध्यापक राम बहादुर बिष्टले नगद पुरस्कार, मेडल र प्रमाणपत्र प्रदान गरे।
सहभागिहरुलाई लागु औषध: चुनौति र समाधानका उपाय, छोराछोरीको भबिष्य निर्माणमा आमा-बुवाको भुमिका, सामाजिक सद्भाव र युवाको दायित्व, स्वदेसमै भबिष्य स्वदेसमै रोजगार र युवाको चाहना: बिकसित नेपालको परिकल्पना गरी ५ वटा शिर्षकहरु दिइएको थियो। उत्कृष्ट १० प्रतिष्पर्धीहरुलाई गोला प्रथाद्वारा ५ वटा शिर्षकहरुमध्ये दुई जना प्रतिष्पर्धीलाई एउटै शिर्षक परेको थियो।
बिद्यार्थीहरुको आत्माबिश्वासमा अभिबृद्धि गरी ब्यक्तित्व र नेतृत्व बिकास गर्ने उद्वेश्यले प्रतियोगिताको आयोजना गरिएको प्रा.लि.का अध्यक्ष तिर्थ कार्कीले बताए।
प्रतियोगिताको निर्णायकहरुमा महेन्द्र बहुमुखी क्याम्पसका उप-प्राध्यापक राजेश बिद्रोही र सहिद स्मृति मा.बि.का शिक्षक टंक भट्टराई थिए। कार्यक्रममा सुमेधा एजुकेसन नेट्वर्क प्रा.लि.धरानका सि.ई.ओ.सुरेन्द्र घिमिरे, समाजसेवी सुस्मिता लिम्बु लगायतको उपस्थिति थियो।सोनि यादबले स्वागत मन्तव्य राखेको कार्यक्रमको सन्चालन आहाना प्रधानले गरिन।
