धरान: नेकपा माओवादी केन्द्र धरान उप-महानगरपालिका १९ नम्बर वडा कमिटीको अगुवाईमा जारी ६३ औ हप्ताको सरसफाई अभियान शनिबार सम्पन्न भएको छ।
गत साल भदौबाट पार्टीको “जनता सङ्ग माओवादी बिशेष रुपान्तरण अभियान”कार्यक्रम अन्तर्गत ३ महिने अभियान सुरु भएता पनि १९ नम्बर वडा कमिटीले अभियानलाई अहिलेसम्म जारी राखेको छ। १९ नम्बर वडा कमिटीले सुरुवात देखि नै वडाका बिभिन्न स्थानमा प्रत्येक सनिबार निरन्तर रुपमा सरसफाइ गर्ने काम गर्दै आएको छ।
पार्टीका नेता तथा कार्यकर्ताहरुले हात हातमा झाडु, गैति, हसिंया लिएर किरात चोकदेखि इलाका प्रहरी कार्यालय सम्म बाटोको छेउछाउ र नाली सरसफाई गरे। अभियानको सुरुवात देखि नै वडाबासिहरु संग निरन्तर जोडिएको र साथ, सहयोग समेत पाउदै आएको पार्टीका १९ नम्बर अध्यक्ष सन्त तेम्बेले बताए।
दशै, तिहार र छठ पर्ब लगत्तै ६३ औ हप्ता परेकाले र पानी पनि परेकाले उपस्थिति थोरै भएता पनि अभियानलाई निरन्तरता दिन र जनता सङ्ग जोडिन निरन्तर सरसफाईमा जुटेको प्रदेस कमिटी सदस्य युवा नेता सन्तोष लिम्बुले जानकारी दिए।
