धरान: भदौ २७ गते बाट ३१ गते सम्म तेश्रो अन्तर स्कुल मेजर श्रवण कुमार लिम्बु मेमोरियल डिपो बास्केटबल रनिङग कप धरानमा हुने भएको छ ।
आज आईतबार बिहान धरान – १८ स्थित रहेको डिपो मावि धरानले पत्रकार सम्मेलन गरी जानकारी गराएको हो ।
तेश्रो संस्करणको रुपमा आयोजना गरिएको प्रतियोगितामा कोशी प्रदेश भरिका बिद्यालयलाई सहभागिताको लागि आव्हान गरिएको छ ।
मेजर श्रवण कुमार लिम्बुको स्मृतिमा विगत २ बर्ष देखि बास्केटबल प्रतियोगिताको आयोजना गरिदैं आएको छ । स्वर्गीय मेजर श्रवण कुमार लिम्बुले डिपो माविको विद्यालय व्यवस्थापन समितिलाई १६ बर्षसम्म लगातार नेतृत्व सम्हालेका थिए । उनकै पालामा स्कुललाई प्लस टु, र कलेज सम्म स्तरोन्नती गरी डिपो आर्दश बहुमुखी क्याम्पस गठन गरिएको थियो ।
उक्त प्रतियोगितामा प्रथम पुरस्कार रु १५००, ट्रफी, मेडल तथा प्रमाणपत्र, दोश्रो पुरस्कार रु ७५००, ट्रफी, मेडल तथा प्रमाणपत्र, मस्ट भेलुएवल प्लेयरको लागि ट्रफी र प्रमाण पत्र र हाई स्कोरको लागि ट्रफी र प्रमाण पत्रबाट पुरस्कृत गरिने डिपो माविका प्रध्यानाध्यापक राजकुमार राईले बतएका छन् ।
सहभागी धेरै हुने भए लिग कम नकआउट र कम सहभागी हुने भएमा नकआउट खेल खेलाउने योजनामा रहेको आयोजकले जानकारी दिएका छन।
