नेपाल तरुण दल धरान नगर कार्यसमितीले देउसीभैलो खेलेको पैसाले धरान उपमहानगरपालिका भित्रका कालोपत्रे सडकका खाल्डाखुल्डी पुरेका छन। यो भन्दा अगाडि निरन्तर एक महिना अभियान चलाएको तरुण दलले सडकका खाल्डा पुर्ने कार्यलाई निरन्तरता दिएका छन।
मंसीर ८ गते धरान १५ मादेव चोक देखि धरान ६ पानबारी जाने बाटोमा रहेको खाल्डा पुर्ने क्रम्मा तरुण दल नगर समितीका सचिव मनोज श्रेष्ठले बताएका छन “धरान नगर भित्रको पिचसडकमा भएका खाल्डाखुल्डीले धेरै दुर्घटना निम्ताएका कारण सडकका खाल्डा पुर्ने निर्णय लिएका हौ ! खासमा स्थानीय सरकारले गर्नु पर्ने तर कुनै चासो नदिए पछि तरुण दलले यो कार्यका लागि अभियानकै रुपमा संन्चालन गरेको छ, आर्थिक व्यबस्थापन चाहिँ देउसीभैलो खेलेको पैसा बाट गरीरहेका छौ तरुण दलले युवाहरुलाई सामाजिक कार्यमा जिम्मेवार बनाउदै रक्तदान, जाजरकोटका भुकम्प पिडितलाई आर्थिक सहयोग लगाएतको कार्य गर्दै आईरहेका छौ”।
सडकका खाल्डा पुर्न श्रमदानमा तरुणदल नगर का. सभापती राम तामङ्ग, नेपाल तरुणदल केन्द्रीय सदस्य देवेन्द्र लिम्बू, नेपाली काँग्रेस धरान १५ वडा सभापती डम्बर गुरुङ्ग वडा सचिव गजेन्द्र लिम्बू नेपाली काँग्रेस नगर सद्स्य श्याम राई लगाएत युवानेताहरुको सहभागिता रहेको थियो। अहिले सम्म ५० ट्याक्टर मिसगिटी प्रयोग भएको धरान तरुण दलले जानकारी दिएको छ।
