धरान : चौथो ‘हाम्रो धरान भेट्रान फुटबल प्रतियोगिता २०८३’ अन्तर्गत बिहिवार सम्पन्न सेमिफाइनल खेलमा पूर्वेली भेट्रानले धरान भेट्रानलाई टाइब्रेकरमा ६–५ गोल अन्तरले पराजित गर्दै फाइनलमा प्रवेश गरेको छ ।
धरान १६ स्थित रंगशालामा भएको खेलको पहिलो हाफमा पूर्वेली भेट्रानका भुपेन लिम्बूले गोल गर्दै टोलीलाई अग्रता दिलाएका थिए ।
दोस्रो हाफमा धरान भेट्रानका काजी राईले बराबरी गोल फर्काएपछि खेल १–१ को अवस्थामा पुगेको थियो । निर्धारित समयमा थप गोल हुन नसकेपछि खेलको निर्णय टाइब्रेकरबाट गरिएको हो ।
टाइब्रेकरमा पूर्वेली भेट्रानले उत्कृष्ट प्रदर्शन गर्दै धरानलाई स्तब्ध बनायो ।
खेलको म्यान अफ द म्याच पूर्वेली भेट्रानका भुपेन लिम्बू घोषित भए । उनलाई समाजसेवी प्रेम तामाङले पुरस्कार प्रदान गरेका थिए ।
शनिबार हुने फाईनल खेलमा आयोजक हाम्रो धरान भेट्रान र पूर्वेली भेट्रानबीच हुने आयोजकले जनाएको छ ।
