धरान: नेकपा माओवादी केन्द्रका केन्द्रीय उपमहासचिव जनार्दन शर्मा प्रभाकरले पछिल्लो समय नेताको कार्यशैलीप्रति जनताको वितृष्णा बढेर गएको बताउनु भएको छ ।
पूर्व ऊर्जा तथा अर्थमन्त्री समेत रहनु भएका नेता शर्माले पछिल्लो राजाको गतिविधि बढेको सन्दर्भलाई इंगित गर्दै पूर्व राजाका पछाडि लाग्ने सबै राजावादी नभई नेतासँग वितृष्णा बढेर आक्रोस पोख्ने जमात रहेको तर विकल्पको खोजीमा राजा ल्याउने पक्षमा अधिकांश जनता नरहेको दाबी गर्नुभयो ।
नेता शर्माले नेकपा माओवादी केन्द्र धरान उपमहानगर कमिटीले आयोजना गरेको कार्यकर्ता भेलाका क्रममा अब नेताहरुले आन्तरिक सुद्धिकरण गरेर अगाडि बढ्ने बेला आएको बताउनु भएको हो । उहाँले संघीय गणतन्त्र स्थापना भएपछि भौतिक प्रगति भएपनि जनतासँग जोडिएका अति आवश्यकताका कुराहरुमा राज्य सत्ता सञ्चालन गर्ने तथा प्रतिपक्षमा बस्नेले ध्यान नदिएकै कारण नेताप्रति जनताले हेर्ने दृष्टिकोण नकारात्मक बन्दै गएको बताउनुभयो । उहाँले अब जनतासँग प्रत्यक्ष सरोकार राख्ने शिक्षा, स्वास्थ्य तथा रोजगारका आधारभूत आवश्यकता परिपूर्ति गर्ने कुरामा अब बढी प्राथमिकतामा रहेर काम गर्ने बेला आएको बताउनुभयो ।
उहाँले पार्टीभित्र भ्रष्टाचार, व्यथिति भएको जनताको आरोपलाई अब सबैले चिरेर जान र सबै पार्टीले आन्तरिक सुद्धिकरण गरेर जाने बेला आएको बताउनुभयो । व्यरोजगारका कारण दिनप्रतिदिन युवापुस्ता विदेशिने, सर्वसुलभ ढंगबाट शिक्षाको आर्जन गर्न नपाउने तथा गरिब जनताले सहज रुपमा स्वास्थ्योपचार नपाउने जस्ता आधारभूत कुराका लागि अब सबै गम्भीर भएर लाग्नुपर्नेमा जोड दिनुभयो । उहाँले सत्ता तथा प्रतिपक्षमा बसेका सबै पाटीले आर्जन गरेको रकमको स्रोत खुलाउनुपर्ने बताउदै पार्टी तथा नेताबाट गल्ति भएको कुरा जनतासमक्ष स्वीकार गरेर जानुपर्नेमा जोड दिनुभयो ।
जनआन्दो्लनपछि सविधान निर्माण र अहिलेसम्म आइपुग्दा भौतिक संरचना निर्माणमा राज्यले ठूलो प्रगति गरेको भएपनि जनतासँग भावनात्मक रुपमा जोडिने काम नगरेकोले अब माओवादी केन्द्रले जनतासँग जोडेर गाउँ गाउँमा अभियान चलाउने र पार्टी सगठन मजबुत बनाउदै आन्तरिक सुद्धिकरणतर्फ केन्द्रित हुने माआवादी केन्द्रले केन्द्रीय बैठकमै निणय गरिसकेकोले अब माओवादी केन्द्र त्यसतर्फ केन्द्रित हुने बताउनुभयो ।
