
धरान: आफ्नो संस्था स्थापना दिवसको अवसर पारेर सुच्चा राई कल्याणकारी समाजले समाजका अग्रज व्यक्तित्वहरुलाई सम्मान गर्ने भएको छ । समाजको २५ औँ स्थापना दिवसको अवसर पारेर शनिबार विहान ८ बजे धरानको भानुचोकमा रक्तदान तथा अग्रजहरु ९० वर्षिय गंगा सुच्चा राई ८७ वर्षिय मेखजित राईलाई सम्मान गर्ने भएको छ ।
सोही कार्यक्रमका अवसरमा सुच्चा राई कल्याणकारी समाजको धरान – ११ स्थित निर्माणाधिन सामुसदायिक भवन निर्माण समितिका संयोजक चण्डिप्रसाद सुच्चा राईलाई कदर समेत गर्न लागिएको समाजका अध्यक्ष विनोद राईले बताउनुभयो ।
भोजपुरको कटुन्जे उदगमस्थल रहेको सुच्चा राईहरु देशभरी करिव १२ हजारको संख्यामा रहेकाछन्, बान्तवा तथा दुङ्मालीभाषि सुच्चा राईहरुको संस्कार र संस्कृतिको संरक्षणका लागि २०५६ सालमा समाजको स्थापना गरिएको समाजका सल्लाहकार किरण सुच्चा राईले बताउनुभयो ।
संस्कृतिसंगै समाजसेवाको उदेश्यले शनिबार रक्तदान कार्यक्रमको आयोजना गरिएको र न्युनतम १ सय रक्तदान गर्ने उदेश्य रहेको उहाँले बताउनुभयो ।