धरान: “थामन हात” बोलको गीतका गायक समीर श्रेष्ठ आज (मंगलबार) धरान १५ स्थित बगरकोट सांस्कृतिक महोत्सवमा आउने भएकाछन् । उक्त गीतले युटुवमा ३३ मिलियन भ्यूज पाएको छ।
“समयसंगै यी घाउहरु हराइजान्छ” बोलको चारहप्ता अघि मात्रै रिलिज समिरको गीतले ४ लाख ८५ हजार भ्यूज पाईसकेको छ । चर्चित गायक श्रेष्ठ आज धरान संगीत जात्रा सांस्कृतिक महोत्सवमा प्रस्तुत दिन आउने भएको छ।
समिर श्रेष्ठका थुप्रै गीतहरुले समेत युटुवमा मिलियन दर्शक पाएकोछ । अग्रेजी नयाँ वर्ष २०२५ को पूर्वसन्ध्यामा आज साँझ ९ बजे देखि धराने दर्शकहरु संगै गायक श्रेष्ठले नयाँ वर्षको स्वागत गर्ने छन् ।
गीत, संगीत र मनोरञ्जन, धरानको समृद्धिका लागि पर्यटन प्रवद्वन मूल नाराका साथ पुस ७ गते प्रारम्भ भएको महोत्सवको आज दशौँ दिन श्रेष्ठलाई धरान ल्याइएको महोत्सव आयोजक नेचर क्लवका अध्यक्ष कृष्ण राईले जानकारी दिए ।
त्यस्तै बुधबार नयाँ वर्षको अवसरमा ट्राइवलरेन र वर्षा कर्माचार्यलाई प्रस्तुत गर्न लागिएको महोत्सवका संयोजक दिपचन्द्र राई (कान्छी) ले बताए ।
धरान उपमहानगर १५ नम्बर वडा समितिको संयोजनमा पुस १७ गतेसम्म सञ्चालन हुने महोत्सवमा नेचर क्लव धरान, निशान त्रिभ्याली टोल विकास संस्था मूख्य आयोजक र त्रिवेणी महिला समुह सह आयोजक रहेको छ।
