धरान: धनकुटाको सागुरीगडी गाउपालिका ६ भेडेटारमाबाट सोमबार दिउसो ७ क्विन्टल ३६ केजि गाँजा सहित एक जना पक्राउ परेका छन् ।
इलाका प्रहरी कार्यालय भेडेटारबाट खटिएको संयुक्त प्रहरी टोलीले धनकुटा पाख्रीबास १० बस्ने २६ वर्षीय टंक बहादुर मगरलाई सो परिमाणको गाँजासहित पक्राउ गरेको जिल्ला प्रहरी कार्यलय धनकुटाका प्रहरी उपरीक्षक श्याम सिं चौधरीले जानकारी दिए ।
धनकुटाबाट धरान आउदै गरेको ना ८ ख १२६४ नंको ट्रक भेडेटारमा चेकजाच गर्ने क्रममा गाडीभित्र बोरामा बाधिएर धरान ल्याउदै गरेको गाँजासहित मगरलाई पक्राउ गरिएको प्रहरी उपरीक्षक चौधरीले बताए ।
सो सम्बन्धमा थप अनुसन्धानको लागि जिल्ला प्रहरी कार्यलय धनकुटामा राखि अनुसन्धान भइरहेको उनले बताए ।
