नेपाली काँग्रेस र नेकपा एमालेका नेता सभापति शेरबहादुर देउवा तथा केपी शर्मा ओली बिच सोमवार राती भएको नयाँ सत्ता गठबन्धनले नयाँ सरकार बनाउने प्रायः निश्चित भएको छ ।
प्रधानमन्त्री केपी शर्मा ओली हुनेछन् । गठबन्धनको सहमति आलोपालो अनुसार डेढ वर्षपछि काँग्रेस सभापति देउवा प्रधानमन्त्री बन्नेछन् । दुई पार्टी बिच संविधान संशोधन सम्मको विषयमा सहमति भएको मिडियाहरूले उल्लेख गरेको छ ।
निर्वाचन प्रणाली सहितका विषयमा संविधान संशोधन सुझाव आयोग बनाइने छ ।
सोमबार राति भएको सहमतिमा कुन पार्टीले कति मन्त्रालय लिनेदेखि प्रदेशमा कुन पार्टीले कति प्रदेश सरकारको नेतृत्व लिने भन्ने विषयमा पनि छन् ।
सहमतिको ड्राफ्ट तयार गर्ने एक कांग्रेस नेताले दिएको जानकारीअनुसार ‘एमाले अध्यक्ष केपी शर्मा ओलीको नेतृत्वमा राष्ट्रिय सहमतिको सरकार बन्ने र डेढ वर्षपछि देउवा प्रधानमन्त्री बन्ने’ पहिलो बुँदामा उल्लेख छ ।
ओली नेतृत्वको सरकारमा एमालेले अर्थ मन्त्रालयसहित ९ वटा मन्त्रालय र गृह मन्त्रालयसहित नेपाली कांग्रेसले १० वटा मन्त्रालय लिने सहमति भएको हो ।
