धरानबाट भोजपुरको हतुवागढी (घोरेटार) जाँदै गरेको बुलेरो गाडी दुर्घटना भएको छ । उदयपुरको मैनामैनीमा दुर्घटना भएको हो ।
बोलेरोमा १४ जना सवार थिए । दुर्घटनामा ६ जनाको मृत्यु भएको खवर आएको र प्रहरीले उद्दार गरिरहेको जिल्ला प्रहरी कार्यालय भोजपुरका जानकारी दिएको छ। मृत्यु हुनेको पहिचान भने खुल्न सकेको छैन । घटनास्थलमा उद्धारको कार्यभइरहेको र एम्बुलेन्स पनि पुगिसकेको प्रहरीले बताए । स्थानीयका अनुसार गाडी सडकबाट करिब ८०० मिटर तल भिरमा खसेको छ ।
दुर्घटनामा मृत्यु हुनेमा ६ जनामध्ये २ पुरुष, ३ महिला र एक बालक रहेको प्रहरीको भनाई छ । दुर्घटनामा घाइते भएकाहरुको थप उद्दारका लागि हाल उक्त स्थानमा प्रहरी चौकी हसनपुर भोजपुरबाट प्रहरी सहायक निरीक्षक सहित २ जनाको टोलि पुगिसकेको र उदयपुरबाट समेत प्रहरी परिचालन गरिएको प्रहरीले जनाएको छ ।
