धरान–१६ नौलो बस्तीमा गत बैशाख १७ गते धरान उपमहानगरपालिकाका मेयर हर्क साम्पाङको नेतृत्वमा संचालित श्रमदानमा एक श्रमदाताको टिसर्ट लागाएको व्यक्तिले स्थानीय एक बालिका माथी यौन दुर्व्यवहार भएको घटना २ महिना पछि सार्बजानिक भए पछि धरान प्रहरीले मुख्या आरोपी पक्राउ गरिसकेको छ।
बालिका माथीको यौन दुर्व्यवहार भएको २ महिना अघिको घटना ढाकछोप गर्ने ४ जनालाई कारबाहीको माग गर्दै बाल सञ्जाल धरानले सुनसरी जिल्ला प्रशासन कार्यालय, जिल्ला प्रहरी कार्यालय, जिल्ला न्यायाधिवक्ताको कार्यलयमा ध्यानाकषर्णपत्र बुझाउँदै कारवाहीको माग गरेको हो । प्रमुख जिल्ला अधिकारी धर्मेन्द्रकुमार मिश्र, एसपी सुमन तिम्सीना, सरकारी वकिललाई ध्यानाकर्षपत्र बुझाएको छ ।
प्रजिअ मिश्रले कारवाही हुने आश्वसन दिएको बाल सञ्चालले जनाएको छ । आरोपित खगिन्द्र राई थप अनुसन्धानको दायरमा रहेको उल्लेख गर्दै राईलाई भगाउनेहरुलाई पनि कारवाहीका दायरामा ल्याउने आश्वासन दिएको बताइएको छ ।
प्रमुख जिल्ला अधिकारी सहितलाई बुझाइएको ध्यानाकर्षणपत्रमा यौन दुर्व्यवहारजस्तो गम्भिर विषयलाई गुमचुप राख्न घटनालाई ढाकछोप गर्ने धरान १० बस्ने अन्दाजी ६० वर्षका कुन्दन श्रेष्ठ, धरान १६ बस्ने अन्दाजी ४५ वर्षको शेखर जोगी, धरान ११ बस्ने अन्दाजी ४० वर्षको समिर तामाङ र धरान ७ बस्ने अन्दाजी ५५ वर्षको निश्चल पलिखेलाई कारवाही गर्न माग गरिएको छ ।
पत्रमा घटनालाई विषयान्तरण गर्न खोज्ने धरानका नगर प्रमुख हर्क साम्पाङलाई पनि कानुनी कार्वाही गरियोस भनि माग गरिएको छ । मुख्य आरोपि पक्राउ परे पनि घट्नासंग सम्बद्ध दोषीहरु खुल्ला हिँडडूल गरेर नेपालको प्रचलित कानुनलाई खुल्ला चुनौति दिएको बाल सञ्जाल धरानले ठानेको पत्रमा उल्लेख छ ।
ध्यानकर्षण पत्रमा ‘घटनालाई दुई महिनासम्म ढाकछोप गर्न मतियारकोरुपमा रहेकाहरु सार्वजनिकरुपले घुमिरहनु बाल सञ्जालको लागि सुखद विषय बन्न सकेको छैन ।’ बालिकाप्रति यौन दुर्व्यवहार भएको घटना दबाउन मतियारको भूमिका खेल्नेहरु सार्वजनिक स्थलमा घुमिरहेको विषय पीडित बालिकाकोलागि थप पीडाको विषय र कानुनी राज्यप्रतिको उपहास बनेको पत्रमा उल्लेख गरिएको छ ।
ध्यानाकर्षणपत्रमा बाल सञ्जालका रोजन शङ्कर, शिवप्रसाद घिमिरे र सागर तामाङले हस्ताक्षर गरेका छन । पत्र बुझाउन उनिहरु सहित समूहका सदस्यहरू सहितको टोली इनरुवा गएको थियो ।
र">
