धरान: हिविस्कस इङ्लिस वोडिङ स्कुल धरान–१५ मा लाखे नाच प्रदर्शनी सम्पन्न भएको छ। विद्यार्थीहरुलाई लाखे नाचको रमाइलो देखाउन र जानकारी दिनको लागि सो प्रर्दशनी गरीएको हो ।
नेवार एकता साँस्कृतिक समितिको संयोजनमा लाखे नाच प्रदर्शनी गरीएको स्कुलका निर्देशक गंगाराम राईले जानकारी दिनुभयो ।
समुदाय भित्रका जाति समुदायको मौलिक संस्कार र सँस्कृतिलाई सामुहिक गर्नको लागि सवै जाति समुदायको मौलिक परम्परा र नाचलाई स्कुलमा प्रदर्शनी गराउने गरीएको निर्देशक राईको भनाई रहेको छ ।
लाखे नाच नेवार समुदायमा निकै लोकप्रिय नाचको रुपमा नाच्ने गरीन्छ । यो नाच साउन र भदौ महिनाभरी नाच्ने गरीन्छ ।
नेवार समुदायको मौलिक नृत्यको रुपमा रहेको लाखे नाचलाई स्कुलमार्फत समुदायमा पुर्याउने अभियानको रुपमा आफ्नो अभियान रहेको नेवाः देय दवू धरान–११ का अध्यक्ष लिला प्रधानले वताए ।
सवै विद्यालयले लाखे नाचलाई प्रदशनी गराएर एउटा समुदायको नाचलाई सवै जाति र समुदायको वीचमा परिचित गराउने अवसरको रुपमा आफूले लिएको प्रधानको भनाई रहेको छ । विद्यालयमा निम्ता गरेर लाखे नाच प्रदर्शनी गर्ने अवसर दिएकोमा स्कुललाई धन्यवाद समेत दिएकाछन् ।
सवै जाति र समुदायको मौलिक परम्परा र चाडहरुलाई स्कुलमा अपनाउनुका साथै मनाइने गरीएको स्कुलका निर्देशक राईको भनाई रहेको छ ।
साथै स्कुलमा रक्षा वन्धनको पनि कार्यक्रम सम्पन्न गरीएको थियो , मौलिक परम्पराको वारेका जानकारी दिनको लागि रक्षा वन्धन वाधेर कार्यक्रम गरीएको निर्देशक राईले जानकारी दिनुभयो ।
र">
