धरान ८ अरुण टोलस्थित सुकुम्बासी बस्तीका बिरामी रोशन राईको परिवारलाई खाद्यान्न सहयोग प्रदान गरिएको छ । धरान १३ स्थित पुनर्जीवनकेन्द्रमा कार्यरत अनिष गुरुङले करिव आठ हजार बराबरको खाद्यान्न सामग्री राईको निवासकै पुगेर हस्तान्तरण गर्नुभएको हो ।
दुइ बोरा चामल, ७ किलो दाल, दुइ किलो चिनी, दश लिटर खानेतेल, ५ किलो नुन, १ किलो हरियो मटर र ३ बण्डल बिस्कुट रोशन राईकी श्रीमति शान्ति तामाङलाई हस्तान्तरण गर्नुभएको हो ।
मजदुर नेता भीमज्वाला राईले बस्तीको कथा शिर्षकमा राईको अवस्था बारे समाचार स्टाटस फेसबुकमा हाल्नुभएपछि आफुले भीमज्वाला राईलाई फोन गरेर सहयोग गर्ने इच्छा व्यक्त गरेको सहयोगी युवा अनिष गुरुङले बताउनुभयो । उहाँले भन्नुभयो तत्काल खाद्यान्न सहयोग गरेकोछु उहाँको उपचारमा पनि सहयोग गर्छु ।
झुपडीमा रोगसंग लड्दै रोशन श्रीमानको उपचारमा सहयोग गरिदिन श्रीमतिको बिलौना शिर्षकको समाचार प्रकाशन भएको थियो । दाउरा बेचेर श्रीमति र एक छोरी पालिरहेका ४० वर्षिय रोशन राई बैशाखदेखि जण्डिस् र मृगौलामा पथरिया भएपछि जीवनमरणको दोसाँधमा छन् ।
चिकित्सकले कलेजो फेर्नुपर्छ १५ लाख जति खर्चहुन्छ भनेपछि आर्थिक अभावमा उनको थप उपचार हुनसकेको छैन । घर चलाउनै गाह्रो भइरहेको उनकी श्रीमति शान्ति तामाङले बताउनुभयो ।
राईको उपचारका लागि नेपाल यातायात स्वतन्त्र मजदुर संगठनले पहल गरिरहेको कसैले पीडित परिवारलाई सहयोग गर्न चाहनेले शान्ति तामाङको सम्पर्क नम्बर ९७०८२५५३११ मा समेत सम्पर्क गरेर सहयोग गर्न सकिने संगठनका केन्द्रीय अध्यक्ष समेत रहनु भएका भीमज्वाला राईले बताउनुभयो ।
र">
