धरान: धरान उपमहानगरपालिका–१७ का वडा अध्यक्ष सूर्यबहादुर भट्टराई (मनोज)ले पदबाट राजीनामा दिएका छन्। उनको राजीनामा आईतबार कार्यवाहक नगरप्रमुख अईन्द्र विक्रम बेघाले स्वीकृत गरेका हुन।
राजीनामा दिएपछि वडा अध्यक्ष भट्टराईले निवर्तमान नगरप्रमुख हर्क साम्पाङलाई आगामी राजनीतिक प्रतिस्पर्धाका लागि जितको शुभकामना दिएका छन्।
उनले चुनावी मैदानमा भेट हुँदा मित्रवत व्यवहार गर्न आग्रह गर्दै विगतमा जनताको काम गर्ने क्रममा देखिएका मनमुटाव र असमझदारीलाई बिर्सेर सहकार्यका साथ अघि बढ्ने प्रतिबद्धता व्यक्त गरेका छन्।
भट्टराईले रिसराग त्याग्दै प्रतिस्पर्धालाई स्वस्थ र मर्यादित बनाउने घोषणा समेत गरेका छन्। उनी धरान–१७ का दुई कार्यकाल वडा अध्यक्षको जिम्मेवारी सम्हालिसकेका नेता हुन्।
