धरान: कोशी प्रदेशस्तरीय अन्तर विद्यालय डिआइजी रनिङ कप फुटबल प्रतियोगिताको सातौँ संस्करणको दोस्रो दिनको खेलमा बाल्मिकी मेमोरियल सेकेण्डरी स्कुल बिजयी भएको छ ।
बाल्मिकी मेमोरियल सेकेण्डरी स्कुल मोरङले निधी सेकेण्डरी स्कुल बिर्तामोडलाई २–१ गोलले पराजित गरेको हो ।
बिहीबार नेपाल प्रहरी प्रदेश कार्यालय धरानस्थित फुटबल मैदानमा सञ्चालन भएको प्रतियोगिताको १ मिनेटमा बालिमकी स्कुलका साङ्केन बान्तावा राईले १ गोल, खेलको ५ औँ मिनेटमा मनिष दुलालले १ गोल गरे । भने खेलको दोस्रो हाफमा निधी सेकेण्डरी स्कुल बिर्तामोडको तर्फबाट पुजन ढकालले सान्तवना गोल फर्काएका थिए ।
खेलको म्यान अफ द म्याच वाल्मिकी स्कुलका साङ्केन वान्तवा राई घोषित भए। उनले नगद १ हजार ५ रुपैयाँ नगदसहित मेडल र प्रमाणपत्र प्राप्त गरे ।
प्रतियोगिताको विजेताले ट्रफीसहित नगद ८१ हजार ५ र उपविजेताले ट्रफीसहित ४१ हजार ५ रुपैयाँ प्राप्त गर्नेछ । प्रतियोगितामा कोशी प्रदेशका १६ विद्यालय सहभागी भएका छन्।
प्रतियोगिताको भोली शुक्रबारको पहिलो खेल दिल्ली पब्लिक स्कुल विराटनगर र बाल्मिकी एजुकेसन फाउन्डेसन झापा ,दोस्रो खेल प्रभात सेकेण्डरी स्कुल धरान र सैनिक आवासीय महाविद्यालय धरान बिच हुने आयोजकले जनाएको छ ।
