धरान: अशोक राई नेतृत्वको जनता समाजवादी पार्टीको कोशी प्रदेश अध्यक्षमा गणेश राई चयन भएकाछन् । शुक्रवार धरानमा भएको प्रदेश भेलाले राईको अध्यक्षतामा सर्वसम्मत ४९ सदस्यीय समिति चयन गरेको हो ।
समितिको तीन उपाध्यक्षमा डिल्ली सुव्वा, रमा कार्की र नसरुल महम्मद रहेकाछन् भने महासचिवमा नगेन्द्र पारघरी लिम्वू रहेकाछन् । त्यसैगरी समितिको तीन सचिवमा गणेश खालिङ, कुमार सुनुवार र रन्जित साम्पाङ चयन भएकाछन् ।
अघिल्लो समितिका केही नेता कार्यकर्ता नेपाली कम्युनिष्ट पार्टीमा प्रवेश गरेपछि नयाँ कमिटी निर्माण गरेको हो ।
पार्टीलाई प्रदेश १ मा पहिलो पार्टी वनाउने अभियानका साथ संगठन विस्तार र निर्माणमा लाग्ने नव निर्वाचित अध्यक्ष गणेश राईले प्रतिवद्धता जनाएकाछन् ।
