धरान: धरान उपमहानगरपालिकाका पुर्व कर्मचारी गोपाल श्रेष्ठ उद्योग वाणिज्य संघ सुनसरीको अध्यक्ष जस्तो गरिमामय पदमा निर्वाचित भए पछि स्थानीय तह पूर्व कर्मचारीहरु संघ धरानले बधाई तथा सम्मान गरेका छन।
बुधबार धरान उपमहानगरपालिकाको परिसरमा रहेको कर्मचारी एशोसिएशनको भवनमा संघले बधाई तथा सम्मान कार्यक्रम आयोजना गरेको हो ।
संघले श्रेष्ठले धरान नगरपालिकामा कार्यरत रहेको अवस्थामा अत्यन्तै नजिक रहेर कार्यसम्पादको जिम्मेवारीहरू बहन गर्दै २० वर्षीय लामो धरान नगरपालिकाको जागिरबाट अवकास पछि धरानको व्यापार व्यवसायको क्षेत्रमा स्थापित भै गत असार ३० गते भएको उद्योग वाणिज्य संघ सुनसरीको निर्वाचनमा भारी मत ल्याएर अध्यक्षमा निर्वाचित भएकोमा संघले बधाई तथा सम्मान दिएका थिए ।
संघले सुनसरी जिल्लाको व्यवसायिक क्षेत्रको अत्यन्तै मर्यादित संस्था को नेतृत्व गर्ने अवसर प्राप्त भइरहँदा हामी उपमहानगरपालिकामा कार्यरत कर्मचारीहरु अत्यन्तै प्रफुल्लित रहेको भन्दै सम्मान गरेको थियो।
संघका अध्यक्ष प्रेम उप्रेती, सल्लाहकार हरि कार्की, सचिव लाल बहादुर खत्री र कोषाध्यक्ष जय श्रेष्ठ लगायत
उपमहानगरपालिकामा कार्यरत महाशाखाका प्रमुखहरु योजना महाशाखा प्रमुख सुरज श्रेष्ठ, शिक्षा महाशाखा प्रमुख गणेशप्रसाद खतिवडा, आर्थिक प्रशासन महाशाखा प्रमुख भेषराज अधिकारी, धरान खानेपानी बोर्ड प्रमुख राजु पोखरेल, राजस्व महाशाखा प्रमुख तथा नेपाल नगरपालिका कर्मचारी एसोसिएसन केन्द्रीय कोषाध्यक्ष खगेन्द्र प्रसाद खतिवडा, नगरपालिका कर्मचारी एसोसिएसन इकाई समिति धरानका वर्तमान अध्यक्ष किशोर अधिकारी, अधिकृत हिरा खत्री लगायत अन्य कर्मचारीहरू र पूर्व कर्मचारीहरूले बधाई तथा शुभकामना साथै सम्मान गरेका थिए।
कार्यक्रममा बोल्दै संघका अध्यक्ष उप्रेतीले पूर्व अवकाश प्राप्त कर्मचारी र हाल कार्यरत कर्मचारीको बीचमा आत्मीयता कायम गर्न पनि सफल भएको बताए । उप्रेतीले स्थानीय तह पूर्व कर्मचारी सङ्घले आत्मसम्मन प्राप्त गर्दै आत्म सम्मान बोध गराएको बताए ।
र">
