धरान: जन्म दिनमा प्राय साथीभाइ सँग पार्टी खाने, रमाइलो गर्ने, घुम्न जाने प्रचलन छ । तर किशोर राईले भने दृष्टि विहिनलाई शैक्षिक सामग्री वितरण गरेर जन्म दिन मनाउनु भएको छ ।
एन्फाका बरिष्ठ मानर्थ उपाध्यक्ष तथा कोशी प्रदेश फुटबल संघका अध्यक्ष तथा नेपाली काँग्रेस पार्टीको कोशी प्रदेश सदस्य राईले जन्मदिनको अवसरमा विद्मार्थीहरुलाई खाना र बिपन्न बालबालिकालाई शैक्षिक सामाग्री वितरण गरेर जन्म दिन मनाउनु भयो ।
चैत १७ गते राईले धरान १५ मा रहेको पुर्बाञ्चल ज्ञानचक्षु विद्मालयको विद्मार्थीहरुलाई खाना खुवाउदै शैक्षिक सामग्री वितरण गरेर जन्म दिन मनाएर उदाहरणीय काम गर्नु भएको हो ।
यस्तै राईले जन्म दिनकै अबसरमा धरान १५ शिवगंगा बस्तीका बिपन्न ३१ जना बालबालिकालाई शैक्षिक सामाग्री कपी कलम बितरण गर्नु भएको थियो।
राईले आफ्नो जीवन फुटबल, राजनिती र समाजको सेवामा समर्पित गरेकोले जन्मदिन पनि सामाजिक कार्यमानै खर्च गरेर मनाएको बताउनु भयो। उहाँले समाजमा जन्मदिन मंहगो खर्च गरेर मनाउने परिपाटी बिकास भएको छ त्यो खर्च समाजमा रहेको शारिरीक अशक्त, बिपन्न परिवारका बालबालिकाको शिक्षा स्वास्थ्यमा खर्च गरे जन्मदिन मनाउनाले सार्थकता पाउने बताउनु भयो।
