धरान: याक्थुङ चुम्लुङको केन्द्रीय अध्यक्षमा झापाका दिल बहादुर मेन्याङ्वो सर्वसम्मत चयन भएको छ। शनिबार धरानमा सम्पन्न दोस्रो महाअधिवेशनले मेन्याङ्वोको अध्यक्षतामा ३१ सदस्यीय कार्यसमिति चयन गरेको हो ।
आईतबार धरान २ भानुचोक सब्जीमण्डीको एच के मेलोडी होटलमा भएको पत्रकार सममेलनमा महाधिवेशनले ६ बुद्धे घोषण पत्र जारी गरेको अध्यक्ष मेन्याङ्वोले जानकारी दिएका छन। समितिको उपाध्यक्षहरुमा ताप्लेजुङका पदम चेन्जी माबो, जसबहादुर चेम्जोङ, सुनसरीका मनिका बेघा, सन्चमती नाल्वो, महासचिवमा ताप्लेजुङकी ईन्दीरा मेन्याङवो, सचिवमा सुनसरीका दिल कुमार श्रेङ, सह-सचिवमा सुनसरीका बाली छथरे, ,कोषाध्यक्षमा सुनसरीका मन बहादुर थोप्रा, रहेका छन ।
सदस्यहरुमा सुनसरीका प्रताप मुसुहाङ, सुवास नेयुङ, ताप्लेजुङका श्री हाङ तबेबुङ, चन्द्र मादेन, ईन्दिरा मादेन, पुर्ण बहादुर माबोहाङ, तेह्रथुमका देवराज कुरुङवाङ, सुनसरीका तारा लाबुङ्ग, सन्चवीर नाल्वो, झापाका पूर्ण मेन्याङवो, पली माबोहाङ, पानथरका निश्चल चेम्जोङ,डिकध्वज लावती, ईलामका दिल आङवोहाङ, संखुवासभाका आशिकराम नेयोङ,बकाठमाडौंका टेक बहादुर हुक्पा चेम्जोङ, मोरङका गणेश पन्धक, धनकुटाका तुमराज सुहाङ रहेका छन ।
दोस्रो महाधिवेशनबाट ६ बुद्धे घोषण पत्र जारी गदै लिम्बुवानका ९ जिल्लाका विभिन्न सामुदायिक विद्यालयहरुमा याक्थुङ भाषा तथा सिरिजंगा लिपिको पठनपाठनलाई अनिवार्य रुपमा लागू गराउनका लागि सम्बन्धित स्थानीय सरकारसँग आवश्यक छलफल गरी सो कार्यान्वयनमा जोडदार पहल गर्ने । याक्थुङ भाषा र सिरिजंगा लिपिको अनौपचारिक प्रशिक्षणहरु याक्थुङ लाजेका आवश्यक महसुस गरिएका ठाउँहरुमा सञ्चालन गर्ने । सिरिजंगा सिद्धेवेको सहादत बलिदानीलाई अपमान गर्दै सिरिजंगा लिपिलाई किरात सिरिजंगा लिपि बनाइएकोप्रति घोर आपत्ति व्यक्त गर्दै यस लिपिको मौलिक नाम सिरिजंगा लिपि सरक्षण विभिन्न स्थानमा विरोधका कार्यक्रमहरु गर्ने, यस सम्बन्धी जनचेतनामूलक कार्यक्रमहरु गर्ने तथा कानूनी उपचारमा समेत जोडदार पहल गर्ने । साथै याक्थुङ जातिको मौलिक संस्कार संस्कृतिको संरक्षणार्थ खोज अध्ययन, संरक्षण, सम्बर्द्धन र विकासका कार्यहरु निरन्तर दिने । याक्थुङ जातिको मुन्धुमी स्थलहरुको संरक्षण, सम्वर्द्धन र विकासका लागि स्थलगत अध्ययन, भ्रमण, अवलोकन गरी संरक्षणार्थ आवश्यक कार्यहरु गर्ने ।
याक्थुङ चुम्लुङको संगठनलाई मजबुत बनाउनका लागि तीब्र गतिमा स्थानीय तहसम्म शाखा विस्तार गर्ने जानकारी दिएका छन।
भिडियो पनि हेर्नुस:
