धरान उपमहानगरपालिका अ वाड नम्बर १४ मा रहेको पिण्डेश्वर मन्दीरमा साउन १ गते बाट सुरु भएको पिडेश्वर बाबाधाममा बोलबम मेलाको आज अन्तिम सोमबार भक्तजनको अत्याधिक घुइचो लागेको छ ।
साउन महिनाको आज अन्तिम सोमबार बिहानैदेखि विशेष पूजाआजा भइरहेको छ विशेष गरी साउन महिनाको सोमबारे व्रत बस्नेहरुले आज विधिपुर्वक पुजा गर्दै व्रत समापन गर्ने भक्तजनहरुको घुइँचो लागेको छ ।
साउनको सोमबारलाई भगवान् शिवको प्रिय बार मानिने भएकाले यस दिन व्रत बसेर पूजापाठ र दान गर्दा सुख प्राप्त हुने धार्मिक विश्वास रहेको छ। पूजापाठ गर्न र पिण्डेश्वर बाबाधाममा जल चढाउनको लागि आइतबार साँझैदेखि नै भक्तजनहरु भिड लागेको थियो। सोमबार साँझसम्म नै भक्तजनहरु जल चढाउछन।
यस पटक भदौको पहिलो सोमबार पनि तिथि अनुसार जल चढाउने र बोलबम मेला लाग्ने पिण्डेश्वर बाबाधाम समितिका अध्यक्ष विकास बनेपालीले बताउनुभयो ।
अध्यक्ष बनेपालीका अनुसार बोलबम मेलाका क्रममा अहिलेसम्म ३ लाखभन्दा बढी भक्तजनले धरानको पिण्डेश्वर बाबाधाम मन्दिरमा जल चढाएको तथा मन्दिरमा अमृतपिण्ड पिण्डेश्वरका रूपमा भगवान शंकरको पूजा अर्चना भगवानको दर्शन गरेको छ।
यश पटक पिण्डेश्वर बाबाधाममा मोरङ र झापाको भक्तजनहरुको बढीमात्रामा उपस्थीती रहेको छ। बैतडी, दाङ, बाजुरा,रौतहत अछाम, डडेलधुरालगायतका जिल्ला ठुलो संख्यामा भक्तजनको उपस्थिति रहेको थियो। सिक्किम , दार्जिलिङ् भारत लगायतका ठाउँहरुबाट बोलबम भक्तजनहरुको उपस्थिति रहेको आयोजकले जानकारी दिएका छन।
भिडियो पनि हेर्नुस
