धरान: फक्ताङ्लुङ मिडिया हाउस प्रा.लि.द्वारा आयोजित कोशी प्रदेस स्तरीय एस.ई.ई.आईडल-२०२४ की फाईनलिस्ट सपना लिम्बुलाई आईतबार आफुले एस.ई.ई दिएको धरान-१७ स्थित इष्टर्न एजुकेसनल एकेडेमीमा पुग्दा स्कुलले भब्य स्वागत गरेको छ।
स्कुलका प्रीन्सिपल पवन तामाङ लगायत शिक्षक, शिक्षिकाले सपनालाई फाईनलमा पुग्न सफल भएकोमा अबिर र खदा लगाएर स्वागत गर्दै जितको लागि शुभकामना दिनु भयो। सपनाले गीत प्रस्तुत गर्नुका साथै आफुलाई भोट गरेर जिताउन सबै संग आग्रह गरिन।
स्कुलले भोट अपिल गर्नको लागि बाताबरण मिलाई दिए पछि सपनालाई यो अवसर जुरेको हो। सपनाले नृत्य प्रस्तुत गर्दा स्कुलका शिक्षक र बिद्यार्थीहरुले तालीले साथ दिएका थिए। स्कुलका प्रीन्सिपल पवन तामाङले इष्टर्नबाट एस.ई.ई. दिएकी छात्रा सपना एस.ई.ई.आईडलको फाईनलमा पुग्दा खुशी लागेको बताउनु भयो। सपनालाई भोट दिएर जिताउन शिक्षक, शिक्षिका,विबिद्यार्थी लगायत सम्पुर्ण बिद्यालय परिवारको तर्फ बाट सक्दो सहयोग गर्ने प्रीन्सिपल तामाङले बताउनु भयो।
एस.ई.ई.आईडलका कार्यक्रम निर्देशक राम बहादुर लिम्बुले स्कुललाई बधाई दिदै भोट गर्ने तरिका सहित फाईनल कार्यक्रमको बारेमा जानकारी दिनु भयो।
एस.ई.ई.आईडलको फाईनल यही असार-७ गते शुक्रवार धरान-१५ स्थित किरात याक्थुङ चुम्लुङ भवनमा हुने आयोजकले जनाएको छ।
