धरान विशेष

फुटबल खेलाडी प्रिति राई सहित ५ जनालाई सम्मान गर्दै उभौली साकेला समापन

शनिवार किरात राई समुदायको पर्व साकेला उभौलीको अवसरमा साकेला सिली प्रतियोगिता धरान १७ को साकेला साँस्कृतिक पर्कमा सम्पन्न भएको छ।

किरात राई यायोक्खा जिल्ला कार्य समिति सुनसरीको आयोजनामा साकेला सिली प्रतियोगिता र प्रर्दशनी गर्दै उभौलीको समापन गरेको थियो । सुनसरी जिल्ला भरिका यायोक्खाका विभिन्न नगर कार्यसमिति, वडा कार्यसमितिहरुको सहभागिता रहेको थियो।

उक्त कार्यक्रममा राष्टीय महिला फुटबल खेलाडी प्रिति राईलाई नगद १ लाख ५ हजार नगद राशीसहित सम्मान गरिएको थियो । यस्तै, कबड्डीकी राष्ट्रिय प्रशिक्षक पार्वती राईलाई नगद २५ हजार सहित सम्मान गरिएको थियो । दुवैलाई प्रमुख अतिथि धरानका मेयर हर्क साम्पाङ, निवर्तमान मेयर एवं यायोक्खाका पुर्वकेन्द्रीय अध्यक्ष तिलक राई, यायोक्खा केन्द्रीय उपाध्यक्ष तिलक राईलगायतले सम्मान पत्र, दोसल्ला र नगद प्रदान गरेका थिए ।

त्यसैगरी चिण्डेडाँडामा निर्माण गर्ने घोषणा गरिएको सुम्निमा पारुहाङ प्रतिमाको निःशुल्क थ्री डी र डिपिआर बनाउन प्राविधिक टिमको नेतृत्व गरिरहेका आर्किटेक्चर धरान तीनकुनेस्थित पुर्वाञ्चल क्याम्पसमा प्राध्यापनरत पारसमणी राई, महेन्द्र क्याम्पसका प्रमुख चन्द्रकुमार राई, गोर्खा सैनिक सेवामा एमबिई उपाधि प्राप्त सुवास राई सहित ५ जनालाई सम्मानित गरिएको छ ।

प्रतियोगितात्मक सिली प्रर्दशनीमा किरात राई यायोक्खा इटहरी उपमहानगर वडा १/१९/२० कार्यसमिति प्रथम भएको छ । यस्तै, धरान वडा नं १९ कार्यसमिति दोस्रो र धरान वडा नं १९ कार्यसमिति तेस्रो भएको छ । भेषभुषातर्फ भने धरान वडा नं १३ कार्यसमिति प्रथम भएको छ ।

यसैगरि, साँस्कृतिक सामग्री (धरान बाहिर)तर्फ इटहरी उपमहानगर वडा ५ कार्यसमिति प्रथम भएको छ भने इटहरी ६ दोस्रो र इटहरी २ तेस्रो भएको छ । साँस्कृतिक सामग्री धरान भित्र भने वडा १५ कार्यसमिति प्रथम भएको छ भने वडा नं ८ दोस्रो र वडा ९/१० तेस्रो भएको छ ।

सहभागिता (धरानबाहिर) तर्फ इटहरी वडा १/१९/२० प्रथम भएको छ भने पकली रामधानी दोस्रो र इटहरी २ तेस्रो भएको छ । सहभागिता (धरानभित्र) भने धरान १५ प्रथम, धरान ८ दोस्रो र धरान ५/६ तेस्रो भएको छ । यस्तै, सर्वोत्कृष्ट ढोले पुरुषमा इटहरी २ का रामबहादुर राईले पुरस्कार पाएका छन् भने महिलातर्फ सोनापुरकी अनुकला राईले पुरस्कार पाइन् ।

छुटाउनुभयो कि ?

खेलकुद धरान विशेष

प्रथम अन्तर्राष्ट्रिय ट्रेल रेसमा आर्मीका देवराज र खोटाङकी प्रिया विजेता

धरानः प्रथम अन्तर्राष्ट्रिय ट्रेल रेस २१ कि.मि.मा पुरुषतर्फ त्रिभुवन आर्मीका देवराज बस्नेत र महिलातर्फ खोटाङकी प्रिया राई प्रथम भएका छन्
धरान विशेष स्वास्थ्य/जिवनशैली

बिपी प्रतिष्ठानमा आन्दोलनका कारण शैक्षिक तथा उपचार गतिविधि प्रभावित(भिडियोसहित)

धरान : बिपी कोइराला स्वास्थ्य विज्ञान प्रतिष्ठानमा चिकित्सकहरूको आन्दोलनका कारण त्यहाँका शैक्षिक कार्यक्रम एवं उपचार सेवा प्रभावित भएको छ ।