धरान: धरान-१२ स्थित सुनाखरी एकेडेमीले धरान-१७ स्थित एन्फा एकेडेमीका १३ बर्ष मुनिका ३० जना खेलाडीहरुलाई आईतवार सम्मान गरेको छ।
एन्फामा आवासिय रुपमा बसेर फुटबलको प्रशिक्षण लिदै आएका खेलाडिहरुलाई सुनाखरीले एक कार्यक्रमको आयोजना गरि सम्मान गरेको हो।
कार्यक्रमका प्रमुख अतिथि अखिल नेपाल फुटबल संघ(एन्फा) कोशी प्रदेस एबम एन्फा धरान सन्चालक समितीका अध्यक्ष किशोर राई थिए। सुनाखरीका प्रीन्सिपल मिलन कुमार राई, निर्देसक प्रदिप राई लगायतले खेलाडीहरुलाई अबिर र खदा लगाएर सम्मान गरे।
एन्फाका १३ बर्ष मुनिका ३० जना खेलाडिहरु सुनाखरीमा पढ्ने प्रीन्सिपल राईले बताए। बिगत ३५ बर्ष देखिको लामो इतिहास बोकि गुणस्तरीय शिक्षा प्रदान गर्दै आएको सुनाखरीमा एन्फाका खेलाडी बिद्यार्थीहरुलाई पढाउने अवसर पाउँदा खुशी लागेको प्रीन्सिपल राईले बताए।
यसैबिच कार्यक्रममा धरान खेलकुद मन्चद्वारा बर्षको उत्कृष्ट कराते प्रशिक्षक घोषणा गरिएका किरण लामा र लाईफ टाईम अचिभमेन्टको उपाधी पाएका टेबलटेनिस कोच गीता थापालाई पनि सम्मान गरिएको छ।
सम्मानित हुनेहरुलाई कार्यक्रमका प्रमुख अतिथी किशोर राई, स्कुलका प्रीन्सिपल मिलन राई लगायतले अबिर र खदाले सम्मान गरे।
कार्यक्रममा मोरङ केराबारी गाउपालिकाका पुर्ब अध्यक्ष रोहित कार्की, एन्फा धरान आबद्ध ब्यक्तित्वहरु, खेलाडीका अभिभावकरु लगायतको उपस्थिती थियो। प्रमुख अतिथी, अतिथी लगायत खेलाडीहरुलाई सुनाखरीमा रहेको स्काउटको बिशेष टुकडीले सलामी गादत दिएको थियो।
