शनिवार बिलुका साँगुरीगढी ६ धनकुटा स्थित कलबोटेमा ३ वटा ट्रिपर एक आपसमा ठोकिएर दुर्घटना हुँदा कोशी राजमार्ग अवरुद्ध भएको छ।
भेडेटारदेखि लगभग ६ किलोमिटर उत्तरपश्चिम स्थित कलबोटेमा गए राती लगभग ७ बजे ट्रिपर दुर्घटना भएको हो । तीन वटा ट्रिपर एकआपसमा ठोक्किएर दुर्घटना भएको र सडक अवरुद्ध भएको भेडेटारका ट्राफिक प्रहरीले जनाएको छ । ट्राफिक प्रहरी अनुसार विराटनगरबाट २ वटा क्रेन ल्याएर सडक खुलाउने प्रयास भइरहेको छ ।
सडकमा अगाडी गुडिरहेको ट्रिपरलाई पछाडिबाट ठक्कर दिदा दुर्घटना भएको ट्राफिक प्रहरीले जनाएको छ । तीन वटै ट्रिपर एकआपसमा च्यापिएर सडक ढाकेको हुनाले सडक अवरुद्ध भएको जनाएको छ । दुर्घटनामा मानवीय क्षति भने भएको छैन। क्रेन ल्याएर खुलाउने प्रयास भइरहेको छ ।
