धरान: नेपाली महिला फुटबल खेलाडीहरुले राष्ट्रिय तथा अन्तर्राष्ट्रिय स्तरमा गरेको प्रदर्शनबाट महिला टिमबाट भविष्य हुने सफलताको सम्भावनालाई हेरेर अखिल नेपाल फुटबल संघ –(एन्फा) तहगत रुपमा खेलाडी छनौटलाई तिब्रता दिइएको छ ।
आगामी साउन १० गतेभित्र देशभरबाट छनौट गरिसक्ने लक्ष्यका साथ देशका विभिन्न स्थानसँगै कोशी प्रदेशका १४ जिल्लाका १७ बर्ष मुनिका महिला खेलाडी छनौटलाई तहगत रुपमा कोशी प्रदेश फुटबल संघले अहिले निरन्तता दिएको हो ।
आगामी अगस्ट २० देखि ३१ गतेसम्म भुटानको राजधानी थिम्पुमा भाग लिन जाने १७ बर्ष मुनिका महिला खेलाडीहरुको छनौट कोशी प्रदेशमा समेत गरिएको हो । छनौट प्रक्रियामा १ सय जना भन्दा बढीको सहभागिता रहे पनि कोशी प्रदेशबाट ३२ जना छनौट भएको छ ।
एन्फाका राष्ट्रिय प्रशिक्षक श्याम मानन्धरको उपस्थितिमा एन्पा कोशीका सहायक महासचिव केशव कार्कीको उपस्थितिमा धरान १७ मा रहेको एन्फाएकाडेमीको खेल मैदानमा छनौट पक्रिया गरिएको कोशी प्रदेश फुटबल संघका अध्यक्ष किशोर राईले जानकारी दिनुभयो ।
नेपाली महिला खेलाडीहरुको राष्ट्रिय तथा अन्तर्राष्ट्रिय प्रदर्शनलाई लिएर हौसिएको एन्फाले भुटानमा हुने नेपालसहित बंगलादेश, भारत र भुटान सम्मिलित खेलमा प्रदर्शनका तहगत रुपमा लागि सर्वोत्कृष्ट खेलाडी छनौट प्रक्रिया शुरु गरिएको अध्यक्ष राइले जानकारी दिनुभयो ।
महिला फुटबलप्रतिको क्रेज बढ्दै गएको अवस्थामा भविष्यमा पूर्ण व्यवसायीकरण तथा स्थायी रोजगारीसँगै देशलाई अर्थतन्त्रमा पनि छुट्टै योगदान पुर्याउने सपनालाई एन्फाले मार्गदर्शनको रुपमा अगाडि लिएर प्रशिक्षणलाई अगाडि बढाइएको जानकारी दिनुभयो ।
उहाँले छनौटमा पर्ने खेलाडीहरु तथा छनौटमा नपर्ने खेलाडीहरुले खेललाई नछोड्न आग्रह गर्दै राष्ट्रिय खेलाडी बन्ने चाहना अगाडि बढाइरहन अध्यक्ष राईले सुझाव दिनुभयो ।
यसैबीच अन्य प्रदेशम समेत यु–१७ का महिला खेलाडीहरु छनौट प्रक्रियालाई निरन्तरता दिइरहेको छ । अखिल नेपाल फुटबल संघले भुटानमा आयोजना हुने साफ वोमन च्याम्पियनसिप फुटबल प्रतियोगिताका लागि खेलाडी छनौट प्रतियोगिताका क्रममा प्रदेशस्तरीय प्रतियोगितामा सहभागी गराएर छनौट प्रक्रिया बढाएको हो । विभिन्न प्रदेशबाट छनौट भएका खेलाडीहरुले अखिल नेपाल फुटबल संघले साउन ४, ५ र ६ गते काठमाडौंबाट पुन: छनौट गर्नेछ । जिल्ला, प्रदेश र केन्द्रबाट छनोट भएका खेलाडीहरुलाई बन्द प्रशिक्षणमा राखेपछि नेपालसहित बंगलादेश, भारत र भुटान सम्मिलित खेलमा भाग लिन भुटान प्रस्थान गर्नेछन् ।
र">
