धरान: स्वास्थ्य बीमा बोर्डले पछिल्लो समय गरेको निर्णयप्रति धरानेहरु आक्रोसित बनेका छन् । बोर्डले सरकारी अस्पताललाई प्रथम सेवा केन्द्रको रुपमा लिदै बीपी प्रतिष्ठानजस्तो ठूलो अस्पताललाई रेफरल सेन्टरको रुपमा लिने निर्णय गर्दै साउन १ गतेदेखि लागू गर्ने निर्णय गरेसँगै धरानका राजनीतिक दल, नागरिक समाज आक्रोसित बन्दै आन्दोलित समेत बनेका छन् ।
नेपाल सरकार स्वास्थ्य तथा जनसंख्या मन्त्रालय तथा बीमा बोर्डले धरान स्थित बीपी कोइराला स्वास्थ्य विज्ञान प्रतिष्ठाननलाई नेपाल सरकार, स्वास्थ्य वोर्डले यही आर्थिक बर्ष अर्थात साउन १ गतेदेखि रेफरल सेन्टरको रुपमा कायम गरेपछि वीमाबाट सेवा लिने सेवाग्राही मारमा परेको भन्दै धरानका राजनीतिक दल, नागरिक समाजहरु आन्दोलित बनेका छन ।
अहिले धरानमा स्वास्थ्य वीमा बोर्डले बिपी प्रतिष्ठान धरान रेफरल केन्द्र मात्र हुने निर्णय गरेपछि दिनहु निर्णय सच्याउन माग गर्दै आन्दोलन चर्काइरहेका छन् । विरोध र्यालीदेखि सम्बन्धित निकायमा ध्यानाकर्षणपत्र बुझाउने काम गर्दै निर्णय नसच्याए अझ कडा आन्दोलन गर्ने चेतावनी धरानेहरुले दिएका छन् ।
विमा बोर्डले प्रथम सेवा केन्द्रको रुपमा सरकारी अस्पताललाई तोकेपछि प्रतिष्ठानमा उपचारमा आएका बीमीत मार्फत उपचार गर्ने विरामीहरुले धरानमा नगर अस्पताल नभएकोले पहिला बराहक्षेत्र, इटहरी वा इनरुवामा चेकजाँच गराएर प्रतिष्ठानमा रिफर गर्नुपर्ने बाध्यतात्मक नियम लागू गरेपछि सर्वसाधारणले पाउने स्वास्थ्यको मौलिक हक हनन् भएकोले यसलाई तुरुन्त सच्याउन माग गर्दै विरोध र्याली, इलाका प्रशासनमार्फत स्वास्थ्य तथा जनसंख्या मन्त्रालय र बीमा बोर्डमा ध्यानाकर्षणपत्र तथा प्रतिष्ठानमा समेत ध्यानाकर्षणपत्र बुझाएर चरणबद्ध आन्दोलनमा उत्रिएका धरानका ५ राजनीतिक दल, नागरिक समाज तथा सर्वसाधारणले निर्णय नच्याए कडा आन्दोलन गर्ने चेतावनी दिएका छन ।
जसपाका नगर अध्यक्ष ताजुव लिम्बुले यस्ता गैरजिम्मेवारी निर्णय तुरुन्त खारेजी हुनुपर्ने माग गर्नुभयो । सरकारले जनताले संविधानमै उल्लेख भएको स्वास्थ्यसम्बन्धी मौलिक हकको हनन हुने खालको निर्णय स्वास्थ्य विमा बोर्डले गरेको प्रति आक्रोस पोख्दै निर्णय नसच्यान्जेल आन्दोलन चरणबद्ध गर्ने चेतावनी समबिन्धत पक्षलाई दिइकेका छन । सरकारले जनताको स्वास्थ्यको सहज पहच पुर्याउनुपर्नेमा मौलिक हकमाथि नै सत्ताको फाइदा उठाउने काम गरेको प्रति उनीहरुले रुष्ट प्रकट गर्दै यसलाई तुरुन्त सच्याउन माग गर्दै नसच्याए चरणबद्ध आन्दोलन गर्ने नेकपा माओवादी केन्द्र धरान नगर कमिटीका अध्यक्ष उद्धव लिम्बुले चेतावनी दिनु भएको छ ।
वास्तवमै अहिले धरान उपमहानगरपालकाले नगर अस्पताल बनाउन नसक्दा पहिलो स्वास्थ्य केन्द्रका लागि विमितहरुले अनयन्त्र जानुपर्ने बाध्यताप्रति सर्वसाधारण रुष्ट भइरहेको बेला उपमनगरपालिकाले भने प्रतिष्ठाननै धरान १ मा रहेको पुरानो अस्पतालमा रहेको अस्पताललाई नगर अस्पताल बनाउने योजनामा बाधक बनेको प्रतिक्रिया दिएको छ । जग्गा प्राप्ति हुनसाथ नगर अस्पताल बनाउने जनाएको छ । स्थानीय सरकार धरानका सर्वसाधारणको स्वास्थ्यसँग गम्भीर भएको भन्दै प्रतिष्ठानलाई पहिलो स्वास्थ्य केन्द्र मानेर धराने जनताहरुको स्वास्थ्यसम्बन्धी मौलिक हकको सम्मान गर्न केन्द्र सरकारलाई धरान उपममहानगरपालिकाका प्रमुख हर्कराज राईले आग्रह गर्नुभयो ।
प्रतिष्ठानमा समेत ध्यानाकर्षण बुझाएका थिए । सो अवसरमा प्रतिष्ठानले विमावापत सरकारले बीपीलाई बुझाउन ७५ करोड भन्दा माथि भएपनि आफूहरुले सर्वसाधारणको स्वास्थ्यमाथि खेलबार्ड अहिलेको परिस्थिति आउने काम नगरेको प्रष्ट्याएको छ । प्रतिष्ठानले जसरी भएपनि सर्वसाधारणलाई सर्वसुलभ ढंगल स्वास्थ्य सेवा प्रदान गर्ने नीति अख्तियार गरेको प्रतिष्ठानका निमित्त उपकुलपति प्रा.डा. सञ्जिव शर्माले बताउनुभयो । चरणबद्ध आन्दोलनमा होमिएका धरानेहरुले यो मागलाई वेवास्ता गरे स्वास्थ्य मन्त्रालय तथा स्वास्थ्य बीमा बोर्ड घेराउ सम्मको कार्यक्रम अगाडि सार्ने चेतावनी दिँदै संविधानमै उल्लेख गरिएको मौलिक हकलाई कुण्ठित पार्ने काममा सरकार लागेको आरोप समेत लगाएका छन् । उनीहरुले निर्णय तुरुन्त सच्याउन चेतावनी समेत दिएका छन्
र">
