धरान: साउन महिनाा धरानको पिण्डेश्वर धाममा लाग्ने बोलबम मेलाको विषयमा बोलबमको पूर्व सन्ध्यामा बोलबमलाई व्यवस्थित बनाउन सरोकारवालाहरुबीच छलफल भएको छ । त्यसबेला हुने भक्तजनहरुको असुविधालाई ध्यानमा राखेर यस बर्ष व्यवस्थित, सुरक्षित ढंगबाट जल चढाउन सहज होस् भन्ने अभिप्रयाले सरोकारवालाबीच छलफल शुरु भएको हो।
धार्मिक महत्व बोकेको यस बर्ष प्रत्येक बर्ष साउन महिनाको आइतबार सुनसरीको चतरामा रहेको सप्तकोशीबाट भक्तजनहरुले खाली खुट्टा जल ल्याई सोमबार धरान १४ मा रहेको पिण्डेश्वर मन्दिरमा जल चढाउने परम्परा छ । त्यसबेला ट्राफिक व्यवस्थापनमा हुने कठिनाई, फोहोर मैलाको उचित व्यवस्थापन, भक्तजनहरुलाई जल चढाउन सहज होस् भन्ने अभिप्रायले लाइनको व्यवस्थापना लगायतका विषयमा छफल भएको हो ।
साउनको आइतबार र सोमबार मात्र पिण्डेश्वर मन्दिरमा भक्तजनहरुको भीड बढ्ने भएपनि यसको महत्व चुलिदै गएपछि पछिल्लो समय साउन महिनाभरि नै जल चढाउने भक्तजनहरुको भीड लाग्ने गरेको छ ।
धरान १४ स्थित पिण्डेश्वर बाबाधाम समितिको कार्यालयका आयोजित छलफलमा बोल्र्दै समितिका अध्यक्ष विकास वनेपालीले बोलबममा आउने भक्तजनहरुले भोग्नुपर्नै समस्यका विषयमा सरोकारवाला पक्ष संग कुरा राख्नुभयो । उहाँले बोलबम मेलामात्र नभएर धरानमा धार्मिक पर्यटक भित्र्याउनै अवसर भएकोले सबैले अपनत्व लिएर अगाडि बढ्नुपर्ने कुरामा जोड दिनुभयो ।
धरान उपमहानगरपालिका १४ नं. वडा समितिको आयोजनामा भएको छलफलमा धरान उपमहानरपालिकाका उपमेयर अइन्द्र विक्रम बेघाले व्यवस्थित बनाउन धरान उपमहानगरपालिकाले सहयोग गर्ने प्रतिबद्धता जनाउनुभयो । उहाँले फोहोर व्यवस्थापनको कुरालाई वातावरण शाखासँग छलफल राखेर तुरुन्त यस कुरामा सहजीकरण गर्ने प्रतिबद्धता जनाउनुभयो ।
यता पिण्डेश्वर क्याम्पसका प्राचार्य काशीनाथ पौडेले बोलबमको समय अवधिभर जथाभावि राखिएका पार्किङले क्याम्पसको अध्ययन अध्यापनमा समस्या हुने भएकोले बोलबमको पूर्व सन्ध्यामा आएर छलफलमात्र नगरी व्यवस्थित पार्किङमा स्थानीय सरकारले ध्यान दिनुपर्ने बताउनुभयो ।
आयोजकको रुपमा रहेको १४ नं. वडा कार्यालयका वडाध्यक्ष कृष्णप्रसाद भट्टराईले धरान उपमहानगरपालिकाका उपमेयर अइन्द्र विक्रम बेघालाई भक्तजनहरुको सहजताका लागि फोहोर व्यवस्थापन तथा सडकमा परेका खाल्डाखुल्डीका विषयमा जानकारी गराउदै खाल्डाखुल्डी पुर्ने र फोहोर व्यवस्थापनमा सहजता प्रदान गर्न अनुरोध गर्नुभएको थियो ।
सो अवसरमा प्रत्येक बर्ष भक्तजनहरुको भीड बढ्दै गएको बताउदै आएको समितिले यो बर्ष ४ देखि ५ लाखसम्म भक्तजनहरु आउने अपेक्षा समितिले गरेको छ । भारतको बनारसमा मात्र गरिने आरती पिण्डेश्वर मन्दिरमा शुरु गरिएको बताउदै विहान नृत्य पूजा हुदा भक्तजनहरु भीडले असहज परिस्थिति सिर्जना गर्ने भएकोले खटिएका स्वयम्सेवकले अगाडि नै जानकारी गराएर सहज वातावरण बनाउनुपर्नेमा समेत जोड दिइएको थियो । यो बर्ष भक्तजनहरुको सुविधाका लागि व्यवस्थित लाइन, प्रर्याप्तमात्रामा स्वयम् सेवक परिचालन, सुरक्षाकर्मीको उपस्थिति, प्राथमिक स्वास्थ्य सेवाको समेत व्यवस्था गरिने उहाले जानकारी दिनुभयो । छलफलमा इलाका प्रशासन कार्यालयका प्रमुख लक्ष्मीप्रसाद रेग्मी, पिण्डेश्वर मन्दिरका पूजारी गोकुलप्रसाद पोख्रेल, सशस्त्र प्रहरीका डिएसपी, इलाका प्रहरी कार्यालय धरानका प्रतिनिधि लगायत विभिन्न राजनीतिक दलका स्थानीय नेताहरुको उपस्थिति रहेको थियो ।
र">
